Qazaqstannyń taǵy bir oblysynda karantın kúsheıtildi

Jambyl oblysynyń bas memlekettik sanıtar dárigeri Saltanat Kordabaıqyzy koronavırýs ınfeksııasynyń aldyn-alý úshin shekteý sharalaryn kúsheıtti.

"Bas memlekettik sanıtar dárigerdiń 2020 jylǵy 27 qazandaǵy № 39 "Jambyl oblysynyń aýmaǵynda karantındik shekteý sharalary týraly" qaýlysyna mynadaı ózgerister men tolyqtyrýlar engizildi" delingen habarlamada.

Qaýlyǵa sáıkes:

• 2020-2021 oqý jylynyń ekinshi toqsanynan bastap: kontıngenti 300 oqýshyǵa deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqytýǵa ruqsat etiledi;
• ata-analardyń ótinishi boıynsha synyptarda 15 baladan aspaı, jalpy bilim beretin mektepterde 1-5 synypqa deıin, halyqaralyq mektepterde 7 synypqa deıin kezekshi synyptarda oqytýǵa ruqsat beriledi;
• teatrlardyń qyzmetine ruqsat berýdi (zaldy 50%-ǵa deıin toltyryp, biraq zalda 100 adamnan asyrmaı, kúsheıtilgen sanıtarııalyq-dezınfeksııalyq rejımdi, maska rejımin, áleýmettik qashyqtyqty saqtaý;
• dinı obektilerdiń (meshitter, shirkeýler, soborlar, sınagogalar jáne t.b.) qyzmetine ruqsat beriledi.