AQSh-taǵy prezıdent saılaýynan keıin narazylyq bastaldy

AQSh-ta narazylyq tolqyny bastaldy. Keıbir qalalarda sherý beıbit jolmen ótip jatsa, keıbir narazylyq aksııalary polısııamen qaqtyǵysqa ulasyp jatyr, dep habarlady RIA Novostı aqparat agenttigi.

Nıý-Iorkte polısııa Manhetten kósheleriniń boıymen kele jatqan narazylyq bildirýshilerdi birtindep ustaı bastady. Belsendilerdiń talaby AQSh-ta ótip jatqan prezıdent saılaýyndaǵy barlyq daýystardy esepke alý. Jınalǵan toptardyń arasynan saıası urandar estilmeıdi.

TASS agenttiginiń málimetinshe, jınalǵandar polısııany qorlap, olardy qaıtarmaq bolǵan. Quqyq qorǵaý organdarynyń qyzmetkerleri keı jas jigitterdi qorshap , olardy jerge jatqyzyp, qoldaryna kisen salǵan. 

Narazylyq sharalary Mıchıgan shtatynda da ótip jatyr. NBC telearnasynyń habarlaýynsha, Detroıttaǵy "Azamattyq qor" ortalyǵynyń ǵımaratyna ondaǵan adam kelip daýystardy sanaýdy toqtatýdy talap etýde.

Buǵan deıin Donald Tramptyń shtaby Mıchıgandaǵy daýystardy sanaýdy toqtata turý týraly aryzben sotqa júginip, daýys sanaýdy baqylaý qol jetimsiz ekenin aıtqan. Pensılvanııa men Vıskonsınde osyndaı sot isi qozǵaldy.

Sondaı-aq Vashıngtondaǵy Aq úıdiń mańynda da polısııamen qaqtyǵys týraly habarlamalar bar. "Tramp pen Pens – ket!" dep urandatqan top Aq úıden júz metr qashyqtyqta jınalǵan. 

Aq úı mańynda belsendilerdiń taǵy bir toby jınaldy, olardyń kópshiligi munda birneshe kúnnen beri kelip júrgen. Alańda polısııa qyzmetkerleri kezekshilik etip júr.

Vashıngton skver parkine 200-den astam narazy top jınaldy, olardyń bir bóligi prezıdent saılaýyndaǵy barlyq daýystardy esepke alýdy talap etýde. Keıbireýler "Demokratııalyq partııanyń" atrıbýttary men prezıdenttikke úmitker Djo Baıdenniń tósbelgilerin satyp júr. Ara-tura keıbir jastar "ár daýysty sanańyz" dep urandap qoıady.

Sondaı-aq saılaý bolǵan túni Los-Andjeleste 40-qa jýyq adam temirjol joldaryn japqanyı habarlandy.

Jol qıylysynda bolǵany úshin shamamen 30 adamǵa aıyppul salyndy. Temir joldardy jaýyp, zańsyz jınalys jarııalanǵan 40-qa jýyq adam tarqaýdan bas tartqany úshin ustaldy. Buǵan deıin

Esterińizge sala keteıik, AQSh-ta prezıdent saılaýy ótip jatyr. Prezıdenttikke respýblıkashyl Donald Tramp pen demokrat Djo Baıden úmitker.