• USD 468.56

  • EUR 497.56

  • RUB 7.3

  • CNY 67.18

29 Naýryz, 05:54:03
Almaty
+35°

Almatyda ótken ǵulamalar keńesiniń XXVII kezekten tys otyrysyna qatysqan "Asyl arna" telearnasynyń dırektory Muhamedjan Tazabekov dinı senimine qatysty pikir bildirdi.

– Qudaıdyń aldynda arym taza bolý úshin, sizderge de kerek bolyp jatsa qujat bolýy úshin men ózimniń dinı ustanym, tanym-túsinigime baılanysty máseleni ashyq aıtqym keledi. Kezinde bizdiń Saýd Arabııadan, Pákistannan oqyp kelgenderge qushtarlyǵymyz artty, tyńdap, qasynda júrdik. Tipti bizdiń aǵalarymyzdyń qoldaýymen baryp kóreıik dep Saýd Arabııada 6-8 aı boldym. 6-8 aı bolǵan kezde Qudaı kýá, meniń mahabbatym ashylyp, bireýdi sheıhim ustazym degen adam emespin. Barǵan kezde meni óziniń tobyna tartyp jatqandaryn da sezbedim. Meni bir top myna jaqqa, ekinshi top ózderiniń tobyna tartyp, kúndiz-túni menimen jumys jasaǵan eken. Al men ony sezbegen kúıi elge kelippin. 

Biz keıin kemeldene kelip, dinı basqarmaǵa kelgen ǵulamalardyń ýaǵyzyn tyńdadym. Keıin olardyń dinı ustanymyna kúmán kelip alystaı bastadym. Tek ol adamdarmen kórgen jerde sálemim túzý boldy. Jasyratynym joq ustazdarymmen sóılesip "Matýrıdı kim?" "Ne boldy? Shynymen adasyp kettim be? Shynymen tozaqqa bara jatyrmyz ba?" dep suradym. Sońǵy 8 jylda osy máseleni zertteýmen aınalysyp, sońǵy núktesin Naýryzbaı Haziret qoıyp, keıbir máselelerge degen meniń kúmánimdi ketirdi. Bylaı aıtqanda Matýrıdı atamyzǵa tek duǵa qylyp qana qoımaı, meniń, ata-babalarymnyń, Abaıdyń aqıdasy ekenine taban tiredik. 

Qudaıdan jasyrmaǵandy adamnan jasyrmaısyń. Qazirgi ýaqytta Daryn Mýbarovpen qarym-qatynasymyz joq. Kórgende sálemim túzý bolǵany bolmasa, jabysyp ýaǵyz tyńdap arqasynan qaǵyp otyrǵanymyz joq. Qazir men "Matýrıdı" aqıdasynda ekenimdi aıtýdan qysylmaımyn, – dep atap ótti Muhamedjan Tazabekov. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir