Ilıa Ilınniń bapkeri qaıtys boldy

Qarashanyń tórtine qaraǵan túni aýyr atletıka boıynsha bapker, Qazaqstan quramasynyń keńesshisi Enver Týrkelerı kóz jumdy. Bul týraly sport.kz saıty habarlady.

Ol 78 jasyna qaraǵan shaǵynda Túrkııada qaıtys boldy. 

Týrkelerı 1989 ben 2005 jyldar aralyǵynda Túrkııa quramasyn jattyqtyrǵan. 2019 jylǵa deıin Qazaqstan quramasynda keńesshi-bapker bolyp qyzmet atqardy.

Qazaqstandyq aýyr atlet Ilıa Ilın bapkeriniń ólimine qaıǵyryp kóńil aıtty.

"Jan-dúnıem bos jáne qaıǵyǵa toly...

Osy túnde men jáne aýyr atletıkanyń bar álemi kórnekti, aty ańyzǵa aınalǵan jannan aıyryldy... Ankara ýaqyty boıynsha 19:05-te Enver Týrkelerı qaıtys boldy...

Meni naǵyz chempıon etken adam ketti... Qyzylordadan shyqqan qarapaıym bala Ilıa Ilındi chempıon atandyrǵan adam qaıtys boldy... Sheftiń barlyq týystary men jaqyndaryna qaıǵyryp kóńil aıtamyn...

On tórt dúrkin Olımpıada Chempıony – Enver Týrkelerı!

1. Naım Sýleımanoglý
2. Halıl Mýtlý
3. Ilıa Ilın
4. Taner Sagır
5. Nıjat Rahımov
6. Nýrdjan Taılan
7. Svetlana Podobedova
8. Maııa Maneza
9. Zýlfııa Chınshanlo 

Aldyńǵy kúni habarlaspaǵanym úshin keshir!.." dep jazdy Ilıa Ilın Instagram paraqshasynda.