Májilis saılaýyna qaı partııalar qatysady? (vıdeoreportaj)

2021 jyldyń 10 qańtarynda Qazaqstanda parlament pen jergilikti máslıhattardyń kezekti saılaýy ótedi. Elde bılik partııasy NurOtan-nan bólek resmı tirkelgen bes saıası partııa bar. Qamshy tilshisi saılaý jaqyndaǵanda belsendi bola túsetin partııalardyń aldaǵy saıası dodaǵa ázirligin bilý úshin Almatydaǵy bólimshelerin aralap kórdi. Alaıda Almatydan tek tórt partııanyń keńsesin ǵana taba aldyq. "Birlik" partııasynyń ne saıty, ne áleýmettik jelilerde paraqshasy, ne telefon nomeri joq. Qalǵan tórt – "Aýyl", "Aq Jol", Qazaqstan halyq kommýnıstik partııasy men Jalpy ulttyq sosıal-demokratııalyq partııasynyń saılaýǵa baılanysty josparlary tómendegi materıalda usynylǵan.