Búgin Aqtóbedegi eń iri joldardyń biri Sáńkibaı batyr dańǵyly paıdalanýǵa berilip, turǵyndardyń qýanyshy artty. Uzyndyǵy 3,3 shaqyrym bolatyn joldyń ashylýyna oblys ákimi Ońdasyn Orazalın arnaıy qatysyp, BAQ ókilderiniń saýaldaryna jaýap berdi.  

“Merdiger mekememen jasalǵan kelisim boıynsha qurylysy mamyr aıynda bastalǵan joba jeltoqsan aıynda tolyq aıaqtalýy tıis edi. Júrgizýshilerdiń qolaılylyǵy úshin, kelisimde kórsetilgen kúnnen erterek aıaqtaýdy tapsyrdym. Tehnıkalyq talaptardyń saqtalýy qatań baqylaýda boldy”,- dep atap ótti Ońdasyn Orazalın. Qamshy.kz

О́ńir basshysy sondaı-aq, jol jóndeý kezinde týyndaǵan ýaqytsha kedergilerdiń bolǵanyn jasyrmady, jáne turǵyndardyń túsinistik bildirgeni úshin alǵys bildirdi. Aımaq basshysy taǵy bir qýanyshty aqparatpen bólisti. Aqtóbe - Qandyaǵash kúre jolynyń jóndeýine qatysty joba maquldanyp, qarjylandyrý máselesi sheshilgen. Oblys ákimi merdiger mekemege jóndeý jumystaryna daıyndyqty bıyldan qaldyrmaı bastaý kerektigi týraly talap qoıǵan. qamshy.kz

Aıtyp óteıik, Sáńkibaı batyr dańǵyly 4-6 jolaqty, eni 15-22 metrdi quraıdy. Jol qurylysy “JQJK” baǵdarlamasy aıasynda 1,5 mlrd tg qarjyǵa jasaldy. Oblys ákimi qala basshysyna trotýar, jaryqtandyrý syndy qalǵan jumystardy 25- qarashaǵa deıin aıaqtaýdy tapsyrdy. qamshy.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir