Almatyda memlekettik tildiń qoldanysyn arttyrý maqsatynda jıyn ótti

Búgin Almatyda aqparat jáne qoǵamdyq damý mınıstrliginiń qoldaýymen memlekettik tildiń qoldanysyn arttyrý baǵytynda is-shara ótti.

Sharaǵa qoǵam qaıratkeri, belgili saıasatker – Dos Kóshim, «Aq jol» saıası partııasy tóraǵasynyń orynbasary, Ulttyq qoǵamdyq senim keńesiniń múshesi, aqyn – Qazybek Isa, A. Baıtursynov atyndaǵy Til bilimi ınstıtýtynyń bas ǵylymı qyzmetkeri, fılologııa ǵylymdarynyń doktory, professor – Álimhan Júnisbek jáne «Luǵat» qoǵamdyq qorynyń dırektory – B. Qapalbek qatysty.

Shara barysynda  B. Qapalbek  úkimettik emes uıymdar arasynda memlekettik tildi damytý sharalarynyń qorytyndysyn tanystyrdy.

Sondaı-aq sharada memlekettik tildiń qoldanylýyn arttyrýǵa baǵyttalǵan quqyqtyq negizder men  zańnamalyq talaptardy jetildirý jáne kúsheıtý, respýblıka boıynsha resmı qujattardy resimdeýde, kórneki aqparat usynýda jáne qyzmet kórsetýde  memlekettik tildiń qoldanylý deńgeıi syndy ózekti máseleler talqylandy. 

Aqparat jáne qoǵamdyq damý mınıstrligi «Azamattyq bastamalardy qoldaý ortalyǵynyń» tapsyrysymen «Luǵat» qoǵamdyq qory úkimettik emes uıymdardyń qyzmetinde memlekettik tildiń qoldanylýyn arttyrý  baǵytynda birqatar is-sharalar atqardy.

Atap aıtar bolsaq, úkimettik emes uıymdardyń qyzmetkerlerine arnalyp elimizdiń  6 óńirinde - Batys Qazaqstan, Pavlodar, Soltústik Qazaqstan, Aqtóbe, Shyǵys Qazaqstan oblystary men  Almaty qalasynda memlekettik tildiń  qoldanysy taqyrybynda oqý semınarlary uıymdastyryldy.