• USD 468.56

  • EUR 497.56

  • RUB 7.3

  • CNY 67.18

29 Naýryz, 15:27:18
Almaty
+35°

Oblys ákimi Ońdasyn Orazalınniń tóraǵalyǵymen ótken jıynda óńirdegi jylytý maýsymynyń ótýine baılanysty suraqtar talqylandy. Jıynǵa oblys ákiminiń orynbasarlary, basqarma basshylary, Aqtóbe qalasy men aýdan ákimderi beıne baılanys arqyly qatysty.
Oblys ákiminiń birinshi orynbasary Nurjaýǵan Qalaýov turǵyndar qatty otyn paıdalanatyn eldi mekenderdi únemi tekserip turý kerek jáne aqparattyq-túsindirý jumystaryn kúsheıtý qajet dep esepteıdi.
Onyń sózinshe oblystyń aýdandarynda modýldi qazandyqtar salý jáne talapqa saı emes qazandyqtardy almastyrý sharalary qabyldanyp jatyr. Sonymen qatar órt sóndirý beketterin salý suraqtary da sheshilýde.
О́ńir basshysy Aqtóbe qalasy men aýdan ákimderi osy suraqty únemi baqylaýda ustap, jylytý maýsymy kezinde kommýnaldyq jelilerdegi tehnıkalyq buzýshylyqtardy joıý sharalaryn jedel qabyldaýdy tapsyrdy.
Sondaı-aq, jıynda óńirdegi sanıtarlyq-epıdemıologııalyq jaǵdaıǵa qatysty másele de qaraldy.
Jaǵdaı turaqty, alaıda oblys basshysyn halyqaralyq júk tasymaldaýmen aınalysatyn kólik júrgizýshileri alańdatady. «Jaısań» kólik beketinde Túrkistan oblysynyń eki turǵyny men RF azamatynan PTR testiniń oń nátıjesi anyqtaldy. Olar turǵylyqty jerleri boıynsha em qabyldaıtyn bolady. Alysqa qatynaıtyn kólik júrgizýshileriniń óńir turǵyndarymen baılanysýyna jol bermeý úshin is-qımyl algorıtmin ázirleý josparlanyp otyr. Soǵan sáıkes, tasymaldaýshylar óńirdiń aýmaǵynan shyǵyp ketkenshe arnaıy qyzmet mamandary erip júretin bolady.​ Ońdasyn Orazalın jergilikti ákimdik, polısııa jáne taýarlar men qyzmetterdiń sapasyn jáne qaýipsizdigin baqylaý departamentteriniń ókilderine kólik ótetin jerlerdegi baqylaý jumysyn kúsheıtýdi tapsyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir