• USD 424.85

  • EUR 504.21

  • RUB 5.84

  • CNY 65.86

27 Qarasha, 14:23:53
Almaty

Qazaqstan musylmandary dinı basqarmasy Muhammed paıǵambardyń sýretin kelemejdep salǵan "Charlie hebdo" fransýzdyq jýrnalyna qatysty málimdeme jasady.

Dinı basqarma tózimsizdik pen óshpendilik qoǵamnyń tutastyǵy men mádenıetaralyq qatynastyń buzylýyna alyp baratyny jaıly jazdy.

"Jýyrda Fransııanyń "Charlie Hebdo" jýrnalynyń Muhammed paıǵambardyń (oǵan Allanyń salaýaty men sálemi bolsyn) kelemej sýretin salýy jáne keıbir bılik ókilderiniń aıtqan qısynsyz pikiri álemdegi barlyq musylmandardyń ashý-yzasyna sebep boldy. Shynaıy musylman óziniń paıǵambaryna bolǵan súıispenshiligin, onyń naǵyz úmbeti ekenin senimi men izgi isteri, ádeptiligi men kórkem minezi arqyly kórsetedi. Sonymen qatar, musylmandar óz dini men paıǵambaryn qorlaýǵa jol bermeıdi. Sebebi, paıǵambarǵa ıman keltirýmen qatar ony qorǵaý da musylmannyń mindeti bolyp tabylady" delingen málimdemede.

Sondaı-aq Qazaqstan musylmandary dinı basqarmasy fransýzdyq jýrnaldyń áreketterine óziniń kelispeýshiligin bildirdi jáne musylmandardy túrli arandatýshylyq áreketterge berilmeı, tózimdi bolýǵa shaqyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir