Foto: Vıdeodan skrınshot
Kotsnews telegram arnasy Taýly Qarabahtaǵy qaqtyǵys kezinde "Armenııa qarýly kúshteri sırııalyq áskerı jaýyngerdi tutqynǵa aldy" delingen vıdeo taratty.
Sputnik Armenian saıtynyń málimetinshe, tutqynǵa alynǵan Iýsýf Alaabeta al-Hadjı Sırııadan kelgen áskerı jaýynger.
Basylymnyń jazýynsha, Túrkııa Sırııanyń soltústiginen Ázerbaıjanǵa Armenııaǵa qarsy qoldaný úshin jendetter jetkizgen. Sputnik Armenian bul derekti armenııalyq baspasóz ǵana emes, halyqaralyq BAQ pen halyqaralyq quqyqqorǵaýshylar, Sırııa, Fransııa, Reseı, AQSh bıliginiń ókilderi de rastap otyrǵanyn jazdy. Fransııa men Reseı Qarabah konflıktindegi áskerı qımyldarǵa Sırııalyq áskerılerdiń jumyldyrylǵanyna alańdaýshylyq bildirgen.
Taýly Karabaqtaǵy qaqtyǵys 27 qyrkúıekte bastalǵan bolatyn. Taraptar janjaldyń bastalý sebebin bir-birinen kóredi. Armıan jáne ázerbaıjan kúshteri arasyndaǵy urys birneshe frontta júrdi. Urysta drondar, artıllerııa, aýyr tehnıka men raketalyq keshender qoldanyldy. Eki jaqtan da beıbit turǵyndar opat bolǵan.
10 qazanda Armenııa men Ázerbaıjan gýmanıtarlyq maqsatta Taýly Karabahtaǵy atysty toqtatýǵa kelisken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir