2 qarashadan bastap Shymkent, Almaty qalasy jáne Pavlodar, Qyzylorda, Qostanaı, Jambyl, Shyǵys Qazaqstan, Atyraý, Almaty oblystarynda karantın sharalary kúsheıtildi.

Qyzylorda oblysynyń bas sanıtar dárigeri A.Abdıkaımovanyń qaýlysyna sáıkes karantındi kúsheıtýge qatysty tómendegideı sheýteý sharalary qabyldandy.

  • oıyn-saýyq, sporttyq is-sharalardy, kórmelerdi, forýmdardy, konferensııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge;
  • oıyn-saýyq mekemeleriniń (karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalar oıyn alańdary men attraksıondar, batýttar jáne basqalar), býkmekerlik keńselerdiń qyzmetine;
  • kezekshi toptardy qospaǵanda, mektepke deıingi balalar mekemeleriniń qyzmetine;
  • fýdkorttardyń, banket zaldarynyń qyzmetine;
  • qalalyq, qoǵamdyq jaǵajaılardyń, ashyq akvaparkterdiń qyzmetine;
  • balalardy saýyqtyrý lagerleriniń qyzmetine;
  • sportshylardyń Qazaqstan Respýblıkasynan tys jerlerde oqý-jattyǵý jıyndary men jarystarǵa qatysýy úshin shyǵýyna.

Al Shyǵys Qazaqstan oblysynyń kóliktegi Bas memlekettik sanıtar dárigeri S. Baıǵabylov 2 qarashadan bastap tómendegideı sharalar kúshine enetinin habarlaǵan.

  • 3 táýlikten aspaıtyn merzimge teris nátıjesi bar covid-19-ǵa PTR ádisimen testileýden ótkeni týraly anyqtamasy bolmasa, jolaýshylar (5 jasqa deıingi balalardy qospaǵanda) áýe kemesiniń bortyna otyrǵyzýǵa jiberilmeıdi:
  • áýe kemesiniń bortynda jolaýshylar men ekıpajǵa arnalǵan jeke qorǵanysh quraldarynyń (maskalar), qolǵa arnalǵan antıseptıkterdiń, dezınfeksııalaý quraldarynyń bolýy;
  • áýe kemesiniń bortynda ushý kezinde jolaýshylardyń oryn aýystyrýyn, olardyń dárethanalarda jınalýyn shekteý jáne betperde rejımin saqtaý;
  • otyrǵyzý jáne túsirý kezinde jolaýshylar arasyndaǵy qaýipsiz qashyqtyqty (1 metr) saqtaý;
  • júrý jolynda jolaýshylardyń vagondar arasynda oryn aýystyrýyn, olardyń dárethanada jınalýyn shekteý jáne betperde rejımin saqtaý;
  • jeke qorǵanysh quraldary (maskalar men qolǵaptar) bolǵan kezde ǵana qyzmetkerlerdi jumysqa jiberý;
  • jumys bastalǵanǵa deıin dene temperatýrasyn ólsheı otyryp, aýrý sımptomdarynyń bolýyna qyzmetkerlerdi tekserýdi;

Almaty oblysynyń bas memlekettik sanıtar dárigeri E. Sydymanov oblysta karantın sharalaryn kúsheıtetin jańa qaýlysyn shyǵardy.

Qaýlyǵa sáıkes:

  • Tamaqtaný oryndarynda adam qabyldaý 50-den 30-ǵa deıin qysqartylady;
  • 30-dan asa adam qabyldaıtyn meıramhana, kafe men ashanalar jabylady;
  • Tamaqtaný oryndarynyń jumys kestesi ózgerissiz qaldyryldy: saǵat 9-00-den 22-00-ge deıin;
  • Sport nysandarynda da kisi qabyldaý 50-den 30 paıyzǵa qysqartyldy;
  • Demalys jáne mereke kúnderi barlyq saýda úıleri men saýda, oıyn-saýyq ortalyqtary jabylady. Bul nysandaǵy azyq-túlik jáne dárihana bólimderi ǵana jumys isteıdi.
  • Memlekettik qyzmet pen kásipkerlik sala basshylyǵy jumysshylarynyń 50-60 paıyzyn qashyqtan jumys isteýge kóshirýge mindetti.

Shymkent qalasynyń bas sanıtar dárigeri Ábdimanap Týlebaev karantındi kúsheıtýge qatysty qaýlysy búginnen bastap kúshine endi.

Bas sanıtar dáriger karantındik shekteýlerdi 2020 jyldyń 9 qarashasyna deıin uzartý týraly sheshim qabyldady.

Almaty qalasynyń Bas memlekettik sanıtar dárigeri Jandarbek Bekshınniń qaýlysyna sáıkes búginnen bastap:

  • densaýlyq saqtaý uıymdarynda, jedel medısınalyq járdem mashınalarynda, jergilikti atqarýshy organdar karantın úshin aıqyndaǵan úı-jaılarda, sondaı-aq medısına qyzmetkerleri úıde medısınalyq kómek kórsetý, foto jáne beıne túsirilim júrgizýge tyıym salynady;
  • Qoǵamdyq tamaqtaný oryndarynda kalıandy paıdalanýǵa tyıym salynady;
  • adamdar kóp jınalatyn oryndarda karantın talaptaryn saqtaý;
  • 9:00 men 20:00-ge deıin Halyqqa qyzmet kórsetý ortalyqtary jumys jasaıdy;
  • Qoǵamdyq kólikterge, taksılerge, ónerkásiptik aýmaqtarǵa, áýejaılarǵa, balalar oınaıtyn alańdarda, azyq túlik dúkenderinde, bazarlarda dızınfeksııalyq jumystar júrgizý.

Pavlodar oblysynda karantın sharalary 2 qarashadan bastap kúsheıtildi. Bul týraly oblystyń bas memlekettik sanıtar dárigeri málimdedi.

Qaýlyǵa sáıkes:

  • Qujatta ǵımarat ishindegi qoǵamdyq tamaqtaný oryndaryna (ashyq aýada qyzmet kórsetýdi qospaǵanda) saǵat 08.00-den 22.00-ge deıin jumys isteýge ruqsat beriledi. Bul rette, nysannyń tolymdylyǵy 30 orynnan aspaýy, áleýmettik ara qashyqtyq jáne ústelder arasyndaǵy 2 metr qashyqtyq, bir ústel basyna 4-6 adamnan otyrǵyzý talaptary saqtalýy tıis.
  • Ujymdyq, saltanatty, otbasylyq, jáne basqa da is-sharalarǵa tyıym salynady.
  • Azyq-túlik dúkenderiniń jumys ýaqyty saǵat 22.00-ge deıin ǵana ruqsat beriledi.
  • Fıtnes-ortalyqtardyń, jattyǵý zaldary men sporttyq-saýyqtyrý ortalyqtarynyń qyzmetteri 30 paıyzdyq tolymdylyqpen saǵat 08.00-den 20.00-ge deıin júrgiziledi.
  • Saýda ortalyqtarynyń, saýda úıleriniń, saýda jelileriniń jumys ýaqyty saǵat 18.00-ge deıin ǵana bolady.

Atyraý oblysynyń bas sanıtar dárigeriniń orynbasary G. Irbatyrova qaýlysy 2 qarashadan bastap kúshine endi.

"Atyraý oblysy turǵyndary arasynda koronavırýs ınfeksııasynyń aldyn-alýǵa qatysty sharalar týraly" bas memlekettik sanıtar dárigeriniń 2020 jylǵy 20 qazandaǵy № 69 qaýlysyna ózgerister engizildi.

Jambyl oblysynyń Bas memlekettik sanıtar dárigeri S. Alıbaevanyń qaýlysyna sáıkes myna talaptar engizildi.

  • 65 jastan asqan adamdarǵa úıden shyqpaý;
  • áleýmettik qashyqtyqty saqtaı otyryp, 3 adamnan aspaıtyn toptarmen nemese saıabaq, oıyn-saýyq ortalyqtaryna barýǵa tyıym salynady;
  • kólikterde jeke qorǵanys quraldarynyń bolýy;
  • fýdkorttardyń, banket zaldarynyń qyzmetterine tyıym salynady;
  • qoǵamdyq tamaqtaný oryndarynda kalıandy paıdalanýǵa tyıym salý.

Qostanaı oblysynyń bas sanıtar dárigeri V. Nechıtaılo karantın sharalaryn kúsheıtý týraly qaýlysy búginnen bastap kúshine endi.

Qaýlyǵa sáıkes:

  • qoǵamdyq tamaqtaný oryndarynda 30 orynnan aspaıtyn, jumys rejımi 10:00-den 23:00-ge deıin ornata otyryp, ujymdyq is-sharalar ótkizýge tyıym salynady; 
  • ashyq aýada attraksıondardyń qyzmetine ruqsat berý;
  • karantındik talaptardy saqtap, 30 adamnan aspaıtyn oqý-jattyǵý jıyndaryn qaıta bastaý.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir