Foto: Armenııanyń Qazaqstandaǵy elshiliginiń facebook paraqshasynan

Qamshy.kz saıtynda armenııalyq delingen Armenianreport.som basylymynda jarııalanǵan "Qazaqstannyń ekijúzdiligi: bir odaq, biraq ázerbaıjandar qymbattyraq" atty maqala týraly aqparat shyqqan. Armenııanyń Qazaqstandaǵy elshiligi Qamshy.kz portalyna habarlasyp, maqaladaǵy oılar Armenııanyń resmı ustanymyna esh qatysy joq, aqparat resýrsy feık ekenin málimdep, aqparatty óshirýdi surady.
 
Elshiliktiń Qamshy.kz portalyna joldaǵan hatynda Armenianreport.com saıty "feık" delinip, saıttaǵy aqparat burmalanyp berilgeni, tap-taza dezınformasııa ekeni jazylǵan. Elshiliktiń dereginshe, maqala avtory retinde kórsetilgen Tevos Arshakıan esimdi analıtık ómirde joq adam.
 
Armenııanyń Qazaqstandaǵy elshiliginiń facebook paraqshasynda jarııalanǵan málimdemede atalǵan saıt Ázerbaıjanda jasalǵany habarlanǵan.
 
Málimdemede Ázerbaıjan Qazaqstan aýmaǵynda armıandarǵa qarsy kóńil-kúı qalyptastyrý úshin feık-saıtty qoldaný arqyly kezekti ret arzan propagandaǵa baryp otyrǵany, Tevos Arshakıan esimimen buǵan deıin de arandatý sarynynda kóptegen materıaldar shyqqany jazylǵan.
 
Qamshy.kz portaly Armenııanyń Qazaqstandaǵy elshiliginiń suraýy boıynsha Armenianreport.som saıtynda jaryq kórgen maqala týraly aqparatty óshirdi.
 
Eskerte keteıik, daýly maqalada avtor Qazaqstandy Armenııamen ujymdyq kelisim-shart uıymyna múshelik etetinine qaramastan, Taýly Karabah konflıktinde Ázerbaıjandy jaqtap otyr dep aıyptaǵan.
 
Sondaı-aq Qazaqstannyń Ázerbaıjandaǵy tótenshe jáne ókiletti elshisi Serjan Ábdikárimovtyń Ázerbaıjanǵa saparyn "Ázerbaıjan prezıdenti Ilham Álıevtiń aram oınyna aralasý" dep baǵalap, "ázerbaıjandardyń bergen alkogoli men "altynnan aptaımyz" degen ýádesinen keıin, elshiniń tili aýzyna syımaı aldyn ala daıyndap qoıylǵan jýrnalısterge suhbat bere bastady" dep málimdep Qazaqstan elshisiniń, sol arqyly Qazaqstan Respýblıkasynyń abyroı-bedeline nuqsan keletin daýly málimdemeler aıtqan.
 
Sonymen qatar maqalada Qazaqstan Ázerbaıjan prezıdenti Ilham Álıevtiń, Túrkııa prezıdenti Rejep Erdoǵannyń aıaǵyn qushýǵa ázir turatynyn aıtylyp, bul áreketter Qazaqstannyń Armenııaǵa qarsy kóńil-kúıin bildiredi degen pikir jetkizilgen.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir