• USD 468.56

  • EUR 497.56

  • RUB 7.3

  • CNY 67.18

28 Naýryz, 18:48:24
Almaty
+35°

Foto: Ashyq derekkóz

Azyn-aýlaq kómektiń ózi bireýler úshin úlken demeý. Jaqsy nıetpen jasalǵan syı-qurmet kez kelgen adamnyń janyn jadyratady. Sondaı jandardyń biri Naýryzbaı aýdandyq probasııa qyzmetiniń tirkeýinde turǵan Amanjol esimdi azamat. Taǵdyrdyń tálkegimen jaza basyp isti bolǵan ol qazir bala-shaǵasymen shaǵyn jer úıdi jaldap otyr.

Aýdandyq probasııa qyzmetiniń aǵa ınspektory Zamır Beısenbetov bastaǵan top Amanjoldyń úıine at basyn buryp, olarǵa azyq-túlik qorjynyn tabys etti. Aǵa ınspektormen birge onda «Máńgilik Qazaqstan» qoǵamdyq qorynyń músheleri jáne aýdandyq probasııa bóliminiń basqa da qyzmetkerleri bardy. Delegasııa syı-syıapatty úı ıelerine saltanatty túrde usynǵan soń, aǵa ınspektor olarǵa kelý sebebin túsindirdi. «El arasynda shen taqqan azamattar bireýdiń úıine suraq-jaýap alý úshin nemese polısııa ýchastigine alyp ketý úshin keledi degen jańsaq túsinik qalyptasqan. Alaıda biz qaıyrymdylyq jumystarymen de aınalysyp turamyz.  Naýryzbaı aýdany boıynsha osy kezge deıin kóptegen januıalarǵa qol ushyn sozdyq. Sol ıgi isterdiń jalǵasy retinde, mine, úkimettik emes uıymdardyń múshelerimen birge sizderdiń shańyraqtaryńyzǵa da bas suǵyp otyrmyz» dedi Z.Beısenbetov.

Onyń úkimettik emes uıym dep otyrǵany – «Máńgilik Qazaqstan» qoǵamdyq qory bolatyn. Uıymnyń jetekshisi B.Nálibaevtyń sózinshe olar bul isti Almaty qalasy Qoǵamdyq damý basqarmasynyń qoldaýymen júzege asyryp otyr eken. «Túrmeden shyqqan azamattardy qoǵamǵa áleýmettik beıimdeý ońaı is emes. Ol jaqtan bosaǵannan keıin de olardy alda túrli qıyndyqtar kútip turady. Mysaly, jumyssyzdyq, quqyqtyq bilimniń azdyǵy, taǵy basqa áleýmettik problemalar. Osy maqsatta az da bolsa dem bolsyn dep, osyndaı sharany atqaryp otyrmyz», deıdi uıym jetekshisi.

Shańyraq ıeleri de kelgen qonaqtarǵa rızashylyǵyn bildirdi. «Men qazir tórt balanyń ákesimin. Balalarymnyń aldy mektepte oqyp jatyr. Sizderdiń kómekterińiz tek meniń emes, bala-shaǵamnyń da kóńilin kóterip tastady. Ásirese, aýdandyq probasııa qyzmetine rahmet. Olardyń arqasynda kóptegen túıtkildi máselelerim birtindep sheshilip jatyr. Barlyqtaryńyzdyń isterińizge bereke tileımin» dep alǵysyn bildirdi otaǵasy.

"Qamshy" silteıdi
Ilmek sózder: almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir