Ońtústik Koreıa maska taqpaǵandarǵa aıyppul salmaq jáne mindetti túrde maska taǵý erejelerin keńeıtpek.

Ońtústik Koreıada koronavırýs epıdemııasynyń jaǵdaılary basqa elderden góri jaqsyraq bolǵanymen, sońǵy kúnderi elde táýligine 100-den asa adamnan vırýs anyqtalýda.

Koreıadaǵy aýrýlardy baqylaý jáne aldyn alý agenttigi senbi kúni 124 jańa jaǵdaı tirkelgenin habarlady, besinshi kún qatarynan elde táýlik ishinde ınfeksııa juqtyrǵandar sany 100-den asty. Agenttik mektepter men qamqorlyq úıleri sııaqty jerlerde jáne shaǵyn otbasylyq jınalystarda klasterler paıda bolǵanyn habarlady.

Elde dúısenbi kúni tańerteńgi jaǵdaı boıynsha barlyǵy 26 732 kovıd-19 deregi jáne 468 ólim tirkelgen.

Buǵan sáıkes mindetti túrde maska kııý talaby klýbtar men karaoke-barlar sııaqty 12 "qaýipti" orynda qazirdiń ózinde bar. Al shekteý 7 qarashadan bastap 23 orynǵa deıin keńeıtiledi, onyń ishinde kýrorttar, úılený zaldary, ámbebap dúkender, saıabaqtar men shashtarazdar bar.

13 qarashadan bastap bul jerlerde betperde kımegen adam 100 000 vonǵa deıin (mólshermen 38 myń teńge) aıyppul tóleıdi, al alań operatorlary 3 mıllıon vonǵa deıin (1148513 teńge) aıyppul tóleýi múmkin.

Aqparattarǵa sáıkes, álem boıynsha resmı túrde Kovıd-19-dan 1,2 mıllıonnan astam adam qaza tapqan. Djon Hopkıns ýnıversıtetiniń derekteri boıynsha qazir 1 200 361 adam aýrýdan qaıtys bolǵan. AQSh-ta 230972 ólim tirkelip, álem boıynsha pandemııadan eń aýyr zardap shekken elder kóshin bastap tur. Odan keıingi orynda Brazılııa (160 074) jáne Úndistan (122 607) jaıǵasqan.

Ilmek sózder: Ońtústik Koreıa

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir