Ázerbaıjan Armenııaǵa jasaǵan áskerı qımyldarynyń vıdeosyn jarııalady

Ázerbaıjan qorǵanys mınıstrligi áskerı bólimshelerdiń Armenııa qarýly kúshterine jasaǵan áskerı qımyldarynyń vıdeosyn jarııalady, dep habarlady Trend saıty.

Taýly Karabaqtaǵy qaqtyǵys 27 qyrkúıekte bastalǵan. Taraptar janjaldyń bastalý sebebin bir-birinen kóredi. Armıan jáne ázerbaıjan kúshteri arasyndaǵy urys birneshe frontta júrdi. Urysta drondar, artıllerııa, aýyr tehnıka men raketalyq keshender qoldanyldy. Eki jaqtan da beıbit turǵyndar opat bolǵan.

10 qazanda Armenııa men Ázerbaıjan gýmanıtarlyq maqsatta Taýly Karabahtaǵy atysty toqtatýǵa kelisken.

Oqı otyryńyzdar: Ázerbaıjannyń Qazaqstandaǵy elshisi: Halqymyz 30 jyl boıy uıatqa qalyp keledi (vıdeo)