• USD 424.85

  • EUR 504.21

  • RUB 5.84

  • CNY 65.86

21 Qańtar, 17:43:45
Almaty
-2°

Búgin májilis spıkeri Nurlan Nyǵmatýlınniń tóraǵalyǵymen palatanyń Bıýro otyrysy ótip, onda aldaǵy jalpy otyrystyń kún tártibi naqtylandy.

Depýtattar birinshi oqylymda ekonomıkalyq ósýdi qalpyna keltirý máselelerine qatysty zań jobasyn talqylaıdy.

Zań jobasy qoldanystaǵy zańnamany jetildirýge baǵyttalǵan jáne ony qabyldaý COVID-19 pandemııasynan zardap shekken ekonomıka salalaryn damytýdy yntalandyrýǵa múmkindik beredi.

Sonymen qatar birinshi oqylymda depýtattarǵa qoǵamdyq keńesterdiń qyzmetine qatysty zańnamalyq túzetýler jobasyn da qaraý usynylady.

Zań jobasynda qoǵamdyq keńesterdiń ońtaıly modelin qalyptastyrý usynylyp, olardyń uıymdastyrýshylyq tıimdiligin, demokratııalylyǵyn, jarııalylyǵyn, ashyqtyǵyn qamtamasyz etpek.

Sondaı-aq aldaǵy jalpy otyrysta Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi ratıfıkasııalaý týraly zań jobasy usynylady.

Kún tártibiniń jobasynda Palatanyń beıindi komıtetterine birqatar jańa ratıfıkasııalyq zań jobalaryn jumysqa alý kózdeledi. Olar: EAEO týraly sharttarǵa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany jáne osy shartqa Armenııa men Qyrǵyz Respýblıkalarynyń qosylýlaryna baılanysty ózgerister engizý týraly hattamalardy ratıfıkasııalaý týraly zań jobalary.

Májilistiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir