Foto:
Baǵdat Qojahmetov Densaýlyq saqtaý mınıstrliginiń resmı ókili qyzmetinen ketti, dep habarlady zakon-kz saıty.
– Iá, men endi Densaýlyq saqtaý mınıstrliginiń resmı ókili qyzmetin atqarmaımyn. Men 3 aı buryn Densaýlyq saqtaý mınıstrligine koronavırýspen aýyrǵannan keıin aq halattylar aldyndaǵy adamdyq, azamattyq boryshymdy óteý úshin kelgenimdi bilesizder. Osy 3 aıda biz medıa-ortalyqtyń jumysyn tolyq jolǵa qoıdyq, Densaýlyq saqtaý mınıstrliginiń baspasóz qyzmeti, apta saıynǵy brıfıngter ótkizdik. Qazir bári jumys istep tur, ıaǵnı meniń fýnksııam oryndaldy. Endi meniń óz bıznes-jobalarym bar, olarǵa kóbirek kóńil bólýim kerek, – deıdi Qojahmetov.
Onyń aıtýynsha, densaýlyq saqtaý mınıstri Alekseı Soımen birneshe aı jumys isteýge kelisken. Sondaı-aq ol qyzmetinen eshqandaı janjalsyz ketkenin aıtty.
– Qandaı daý bolýy múmkin? Olar rıza, barlyǵy baqytty, – dedi ol.
Baǵdat Qojahmetov densaýlyq saqtaý mınıstrliginiń resmı ókili bolyp 30 shildede taǵaıyndalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir