30 Qazan, 2020 Álem
Foto: Reseı prezıdentiniń baspasóz qyzmeti
Reseı prezıdenti Vladımır Pýtın Taýly Karabah máselesinde Reseı ustanymy o bastan belgili ekenin aıtyp, Armenııa basyp alǵan 7 aýdandy Ázerbaıjanǵa qaıtarý múmkindigin qarastyrý qajettigin atap ótti, dep jazady Izvestııa basylymy.
Pýtın Taýly Karabah aımaǵyndaǵy 7 aýdandy Ázerbaıjanǵa qaıtarý ıdeıasy Reseıdiń berik ustanymy ekenin jetkizip, ár tarap ózinikin durys dep sanaıtyndyqtan, Taýly Karabah daýynda jeńil sheshim bolmaıtynyn aıtty.
– "Baký 7 aýdannyń Armenııaǵa da, Taýly Karabah máselesine de esh qatysy joq, bul tarıhı turǵyda Ázerbaıjannyń jeri. Ony qaıtaryp alýǵa bizdiń tolyq qaqymyz bar dep otyr. Árkimniń óz shyndyǵy bar, – dedi Pýtın.
Reseı prezıdenti qos tarap múddesi úshin tıimdi kelisim jasalǵan kezde ǵana konflıkt sheshiledi degen pikirde
Taýly Karabaqtaǵy kezekti qaqtyǵys 27 qyrkúıekte bastalǵan. Taraptar janjaldyń bastalý sebebin bir-birinen kóredi. Armıan jáne ázerbaıjan kúshteri arasyndaǵy urys birneshe frontta júrdi. Urysta drondar, artıllerııa, aýyr tehnıka men raketalyq keshender qoldanyldy. Eki jaqtan da beıbit turǵyndar opat bolǵan.
10 qazanda Armenııa men Ázerbaıjan gýmanıtarlyq maqsatta Taýly Karabahtaǵy atysty toqtatýǵa kelisken.
Alaıda daýly aımaqtaǵy áskerı urys áli jalǵasyp jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir