30 Qazan, 2020 NEWS
Belsendiler Sasha Barondy AQSh-ta jerleýdi talap etti
Borat fılmine qarsy narazylyq aksııasy
Foto: Kórneki sýret
Búgin 20 shaqty qazaqstandyq Almatydaǵy AQSh-tyń Bas konsýldyǵy aldyna jınalyp, "Borat 2" fılminiń kórsetilmeýin talap etti. Olar "Amerıkada turatyn qazaqtardy qorlaý toqtatylsyn", "Qulap jatyp súringenge kúlme" dep jazylǵan plakattar ustap shyqty.
Belsendiler qazaq, aǵylshyn, orys tilinde jazylǵan plakattarmen qosa tabyt alyp kelgen. Onda "О́z otanynda jerlensin" dep jazylǵan. 20 shaqty adam petısııaǵa qol qoıyp, ony AQSh konsýldyǵynyń ókiline tapsyrýdy josparlaǵan. Alaıda belsendilermen júzdesýge eshkim shyqpady.
Buǵan deıin "Namys" qozǵalysynyń jastary Almatydaǵy AQSh konsýldyǵynyń aldyna jınalyp, narazylyq hatyn tapsyrǵan.
"Borat 2" fılminiń treıleri jaryq kórgende qazaqstandyqtar men sheteldegi qazaqtar túrli reaksııa bildirdi. Biri "fılmge kóp kóńil bólý arqyly oǵan jarnama jasaımyz" dep halyqty sabyrǵa shaqyrsa, endi biri ulttyq namystyń taptalǵanyn aıtyp, fılmniń kórsetilýine qarsy petısııaǵa qol qoıdy. Al úshinshi tarap "fılm arqyly qazaq qoǵamynyń osal tusy arzan kúlki arqyly kórsetilip otyr" degen pikirde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir