• USD 468.56

  • EUR 497.56

  • RUB 7.3

  • CNY 67.18

29 Naýryz, 09:21:25
Almaty
+35°

Bilim jáne ǵylym mınıstri Ashat Aımaǵambetov koronavırýsqa qarsy otandyq vansınany alǵashqylardyń biri bolyp saldyrdy. Bul týraly ol jýrnalıst Nartaı Aralbaıulyna bergen suhbatynda aıtty.

–  15 maýsymda DDSU bizdiń otandyq vaksınamyz durys dep oń kózqarastaryn bildirgende qýandyq. Birinshiden, biz bul vaksıananyń ár kezeńin qarap bilip otyrǵannan keıin senim paıda boldy. Ekinshiden, bul bizdiń ınstıtýttyń, ǵalymdarymyzdyń jumysy. Munyń aldynda sol ınstıtýtta jumys isteıtin ǵalymdardyń ózderi alǵash bolyp ekpeni saldyrdy. Olar ózderi daıyndap shyǵardy. Olar saldyrǵannan keıin áriptesterimniń analızderin kórdim. Keıinnen mende senim bildirip, ekpe saldyrýǵa usynys tastadym, – Ashat Aımaǵambetov.

Mınıstrdiń aıtýynsha, koronavırýsqa qarsy vaksına jabaıy vırýspen kúresýge kómektesedi.

– Bizde qazir vaksınaǵa qarsy ártúrli pikirler qalyptasqan. Eń qarapaıym másele biz árqaısymyz dalada jabaıy vırýstyń shtamyn qaǵyp alýymyz múmkin. Sosyn aýyramyz. Al, myna jerde daıyn shtam. Bul vaksına ishinde óte qarapaıym ıngredıentter bar. Birinshiden óltirilgen vırýs, ekinshiden vırýsqa kómektesetin arnaıy zat bar. Bitti sony salamyz. Bul vırýsty denemizge salǵanda bizdiń kletkalarymyz ony tanıdy. Keıin jabaıy vırýs keletin bolsa, onymen kúresýdi biletin bolady. Osy turǵydan bizge vaksınany saldyrý tıimdi jáne ol jabaıy vırýsqa qarsy turady. Vaksınany saldyrý ár adamnyń óziniń sheshimi. О́zim jylda tumaýǵa qarsy vaksınany saldyramyn. Birde-bir saldyrmaǵan vaksına joq. Qaı ýaqytta qaı vaksınany saldyrý qajet men mindetti túrde salǵyzamyn jáne jaqyndaryma da sondaı keńes beremin. Meniń ustanymym osyndaı, – dep sózin túıindedi ol. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir