Damır Ismagýlov: Habıb sporttyq mansabyn ádemi aıaqtady

UFC-ge shyqqan alǵashqy qazaq (Reseı azamaty) Damır Ismaǵulov Habıb Nýrmagomedovtiń sporttyq mansabyn aıaqtaý týraly sheshimine pikir bildirdi. Onyń aıtýynsha, Habıbti aqshamen nemese PR-men qaıtarý qıyn.

–  UFC chempıony Habıb Nýrmagomedov osy sportta qoldan kelgenniń bárin jasady, onyń rekordyn jańartý qıyn bolady. Habıb ózin tarıhta keremet sportshy retinde jazdy, mansabyn osyndaı ádemi notada aıaqtady. Biz odan tek úlgi alamyz, – dedi D.Ismaǵýlov.

Habıb Nýrmagomedov mansabyn aıaqtaý týraly sheshimin amerıkalyq Djastın Gethemen jekpe-jekte jeńiske jetkennen keıin jarııalaǵan. Bul jekpe-jek 24 qazannan 25 qazanǵa qaraǵan túni Abý-Dabıde ótken UFC 254 týrnıriniń basty oqıǵasy boldy.

Karerasyn 29-0 esebimen aıaqtaǵan reseılik faıterdiń jeńisinen keıin Nýrmagomedovtyń heıterleri túrli áńgime taratyp jatyr. Biri jekpe-jektiń satyp alynǵany týraly aıtsa, endi biri Habıb Tonı Fergıýsonmen kezdespeý úshin karerasyn aıaqtaǵanyna senimdi.