"Partııalar ákimniń emes, bıliktiń quly bolýǵa tıis" Mundaı málimdemeni "Aq jol" partııasynyń tóraǵasy Azat Perýashev Aqtóbede ótken konferensııada aıtty.

Konferensııa barysynda Perýashev partııa baǵdarlamasynyń negizgi baǵyttarynyń jobasyn tanystyryp, baǵdarlamaǵa bılik monopolııasyn ózgertýge, parlamenttik respýblıka ınstıtýttaryn engizýge erekshe kóńil bólingenin aıtty.

Sondaı-aq Azat Perýashev jıynda NurOtan partııasynyń barlyq fılıaldaryn ákimderdiń basqarýy durys emestigin atap ótti.

– Aımaqtyń basshysy sheneýnikterdiń tar múddesine emes, barlyq azamattarǵa qyzmet etýge tıis. Iá, NurOtan partııasynyń mıllıon múshesi bar deıdi. Biraq elimizdiń halqy – 19 mıllıon emes pe! Eger ákimder ózderinikin ǵana qoldaı berse, qalǵan 18 mıllıon kimge úmit artady? Mundaı tájirıbeden bas tartý kerek, múmkin ákimderge bılik partııasynyń fılıaldaryn basqarýǵa tyıym salǵan jón. Ákimder bıliktiń emes, halyqtyń quly bolsyn, – dedi Perýashev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir