Almaty qalasynda «Salamatty bolashaq» áleýmettik jobasynyń aıasynda múmkindigi sheketýli balalarǵa arnalǵan beıimdik sport úıirmeleri ashyldy.

Jobanyń maqsaty — múmkindigi shekteýli balalardyń jyl boıy sportpen shuǵyldanýyna múmkindik jasaý jáne Qazaqstanda beıimdik sport túrlerin damytý.

Almaty Arena kesheninde beıimdik júzý men «bochcha» úıirmeleri, «Sarbaz» áskerı-patrıottyq klýbynda balalar beıimdik karate úıirmesine qatysa alady, al «Beıimdi fýtbol» — tirek-qozǵalys apparaty zaqymdalǵan múmkindigi shekteýli balalarǵa arnalǵan № 2 mektep-ınternaty qabyrǵasynda ótip jatyr.

Osy jyly bul jobaǵa 70-ten asa damý ereksheligi bar balalar qatysatyn bolady. Jobanyń negizin qalaýshylary — «Teń múmkindikter álemi» Qoǵamdyq qory — sportshylar sany, úıirmeler sany kóbeıedi dep senýde.

«О́kinishke oraı, Qazaqstanda ǵana emes, búkil álem boıynsha múmkindigi shekteýli balalar sany artyp keledi. Múmkindigi shekteýli adamdardyń dene shynyqtyrý men sport túrlerine birdeı qatysa alýlary – eldiń damý deńgeıiniń kórsetkishi. Bizdiń jobamyzdyń alǵa qoıǵa maqsaty, bala kezinen sportqa qatysý arqyly, „erekshe“ balalardyń bolashaqta otbasyn quryp, jumysqa beıimdelip, qoǵamymyzǵa úles qosýlaryna múmkindik beretin, boılarynda jeke-dara tulǵalyq qasıeti men óz qundylyǵyn arttyrý», — deıdi «Teń múmkindikter álemi» Qoǵamdyq qorynyń negizin qalaýshy Nýrgýl Ýljekova.

Joba «Samruk-Kazyna Trust» áleýmettik jobalardy damytý qorynyń kómegimen júzege asyrylýda. «Samruk-Kazyna Trust» qorynyń qoldaýymen jattyqtyrýshylardyń sanatyn joǵarylatý, olardyń eńbek aqylary, úıirmelerdi qajet sport jabdyqtarymen, oqý quraldarymen qamtamasyz etilip jatyr.

Dál osyndaı úıirmeler Pavlodar, Shymkent, Qaragandy qalalary men Qaragandy oblystarynda ashyldy. Jobaǵa qatysýshylar jan-jaǵynan, fızıkalyq damý turǵysynda, oılaý qabileti men sezim jaǵynan jaqsy nátıje kórsetýde. Jarystarǵa qatysyp, qalalyq jáne halyqaralyq jarystarda júldeli oryndarǵa ıe bolýda.

«Meniń esimi Zaýre, kóp balaly anamyn, 12 jastaǵy erekshe qyzym bar, aty Inkár. Inkar egizdiń syńary, ol týǵannan osy dertke týshar boldy. Bul balalardyń qozǵalý qabileti shekteýli bolǵanymen, olardyń jan dúnıesi sheksiz emes pe. Olardy qoǵam aǵymynan shet qaldyrmaı,erekshe balalarǵa arnalǵan beıimdik sport úıirmeleri ashylyp, sportpen shuǵyldanýyna jaǵdaı jasalǵany óte qajet is shara dep oılaımyn. Osy úıirmelerge qatysý arqyly balanyń óz ózine degen senimdiligi artyp, ómirge degen kózqarastary ózgeredi, tipti bala ózin baqytty sezinedi dep oılaımyn. Osy jobanyń negizin qalaýshysy Nýrgýl hanymǵa, demeýshi bolǵan Samrýk Qazyna qoryna, erekshe balalary bar ata-analardyń atynan aıtar alǵysym sheksiz.»

Bul úıirmelerdiń ereksheligi, jattyǵýlar top boıynsha ótedi jáne damýynda aqaýy joq balalar da qatysa alatynynda.

Almatylyq «erekshe» balalardyń jattyǵýlary jattyqtyrý zaldary men basseınge «bos ýaqyttaryn» aqysyz usynǵan, «Teń múmkindikter álemi» Qoǵamdyq qorynyń áleýmettik seriktesteriniń qoldaýymen ótip jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir