Almatyda qart adamdardyń densaýlyǵyn nyǵaıtýǵa arnalǵan arnaıy sport sharalary ótti

Búgin Almaly aýdanynyń ortalyq saıabaǵynda qarttar kúnine arnalǵan is-shara aıasynda qart adamdar úshin sporttyq is-sharalar uıymdastyryldy: ıoga, skandınavııalyq júris, fıtnes bıler, aıkýne.

Almaly aýdany ákimdiginde habarlaǵandaı, bul is-sharanyń maqsaty egde jastaǵy turǵyndardyń densaýlyǵyn nyǵaıtýǵa, belsendi áleýmettik ómirge tartýǵa jáne jas urpaqqa úlgi bolý bolyp tabylady. Oǵan Almaly aýdanynyń 50-ge jýyq aǵa býyn ókilderi qatysty.

Taza aýadaǵy sporttyq sharalar Gandı atyndaǵy saıabaqta, Sosnovyı, Prokofev atyndaǵy jaıaý júrginshiler aımaǵynda ótedi. Sonymen qatar, aýdannyń qurmetti azamattarynyń qatysýymen aǵash otyrǵyzý uıymdastyrylady.

Aıta ketý kerek, barlyq is-sharalar sanıtarlyq normalar men qashyqtyqty qatań saqtaı otyryp júrgiziledi.

Sonymen qatar, aýdanda jastary júzden asqan 12 qart bar, aýdan ákimdigimen qarttardy osyndaı is-sharalarmen keńinen qamtý jumystary júrgizilýde

«Biz qart azamattardyń ótinishterine erekshe nazar aýdaramyz. Aǵa býyndy qoldaýǵa baǵyttalǵan baǵdarlamalardyń damýyna barynsha jaǵdaı jasaýǵa tyrystyq. Bizdiń árqaısymyzdyń paryzymyz-qarttarymyzdyń bizdiń qamqorlyǵymyzdy sezintindeı jaǵdaı jasaý», — dep atap ótti Almaly aýdany ákimdiginde.

Almaly aýdanynda barlyǵy 35 945 zeınetker, 33 múmkindigi shekteýli adam jáne Uly Otan soǵysyna qatysýshylar, 2473 eńbek maıdanynyń qatysýshylary turady. Qart adamdar úshin aýdanda Jeltoqsan kóshesi, 29 meken-jaıy boıynsha belsendi uzaq ómir súrý ortalyǵy jumys isteıdi. Ortalyqta zeınetkerler úshin kitaphana, fıtnes-zal, ıoga, aerobıka zaldary, shahmat jáne toǵyzqumalaq oıyndary ashylǵan, fılmder kórý, kompıýterlik saýattylyqqa oqytý uıymdastyrylǵan. Apta saıyn tegin zańgerlik, psıhologııalyq, medısınalyq keńester, motıvasııalyq semınarlar men sheberlik synyptary ótkiziledi.