Borattyń «Very Nise!» tirkesi elimizdegi týrızm paıdasyna sheshile bastady

The New York Times basylymy Qazaqstan týraly «Kazahstan, Reserving Itself, Emraces Borat as Very Nice» atty materıal jarııalady, dep habarlady BAQ.kz saıty. 

Amerıkalyq The New York Times basylymy 26 qazanda Very Nise jarnamalyq kampanııasyna qatysty Qazaqstan týraly «Kazahstan, Reserving Itself, Emraces Borat as Very Nice» atty materıal jarııalady. Ony Kazakh Tourism ulttyq kompanııasy uıymdastyrǵan, dep habarlaıdy nytimes.com.

Jarnamalyq kampanııanyń tujyrymdamasy men strategııasy sheteldik saıahatshylardyń nazaryn aýdarý úshin Sasha Baron Koenniń Qazaqstandaǵy oıdan shyǵarylǵan jýrnalıst Borat Saǵdıevtiń qatysýymen túsirilgen ekinshi fılminiń rezonanstyq kórsetilimin paıdalaný bolyp otyr. Naýqannyń urany retinde Borattyń «Very Nice!» degen áıgili tirkesi alynǵan, osylaısha, fılmniń tanymal premerasy elimizdiń týrızmi paıdasyna sheshile bastady, – dep túsindirdi Kazakh Tourism ulttyq kompanııasynyń baspasóz qyzmeti.

Vırýstyq rolık ıdeıasynyń avtory - Qazaqstanda turatyn amerıkalyq azamat Dennıs Kın. Ol etnograf jáne el ishinde jıi saıahattaıdy. Sondyqtan ol Qazaqstannyń tabıǵaty men týrızmi týraly jarnamalyq rolık túsirýdi uıǵarady.

Amerıkalyqtar Qazaqstan týraly bile qoımaıdy, sondyqtan Sasha Baron Koen fılminiń shyǵýy paıdaǵa asty. Men óz úıimde, Kalıfornııada Qazaqstan týraly aıtqan kezde, bári maǵan Borattyń ıntonasııasymen «Very Nice!» deıtin edi. Ol kezde bul jaı ǵana aqymaq ázil, fılmdegi tirkes qana boldy. Bizdiń jarnamalyq beınelerimizde álemniń ár túkpirindegi adamdar Borattyń «О́te jaqsy!» degen sózin estip qana qoımaı, Qazaqstannyń shyn máninde qandaı el ekenin jáne onyń shynymen de «Very Nice!» ekenin kóredi, – dedi Dennıs Kın.

New York Times gazetinde jarııalanǵan materıaldyń avtory Djoel Steın ıdeıanyń tereńdigin jáne Borat pen el basshylyǵynyń qıyn qarym-qatynasyna degen jańa kózqarasty baǵalady. Sondaı-aq ol óziniń materıalynda Baron Koen Qazaqstan óziniń fılminiń tanymaldylyǵyna degen kózqarasyn qalaı ózgertkenin jáne ony óz fılminiń jarnamasyn asyrýǵa paıdalanǵanyn atap ótti.

Bul komedııa jáne meniń fılmimde usynylǵan Qazaqstannyń naqty elmen eshqandaı baılanysy joq. Men Qazaqstandy tańdadym, óıtkeni AQSh-ta eshkim ol týraly eshteńe bilmedi. Bul maǵan jabaıy, komedııalyq, jalǵan álem qurýǵa múmkindik berdi. Naǵyz Qazaqstan – bul zamanaýı, maqtan tutatyn halqy bar tamasha el. Borat kórsetken elmen qarama-qaıshy, - dep jazdy Baron Koen The New York Times elektrondyq poshtasyna.

Kazakh Tourism baspasóz qyzmetiniń habarlaýynsha, beınerolık The New York Times saıtyna shyqqannan keıin ondaǵan onlaın-basylym jarııalanymdy qaıta basyp shyǵarǵan, rolık vırýstyq sıpatqa ıe boldy. Olardyń ishinde: Huffington Post, The Guardian, Insider.com, Forbes.com, Yahoo.com, Cnet.com, avclub.com, IGN.com, Brobible.com, Entertainment Weekly, The Week, Unilad.co.uk, Stuff.co.nz jáne basqa da kóptegen basylym bar.