Serik Aıdarbekov Atyraý oblysy ákiminiń birinshi orynbasary bolyp taǵaıyndaldy. Bul týraly oblys ákiminiń baspasóz qyzmeti habarlady.
 
 
Serik Aıdarbekov 1975 jyly Mańǵystaý oblysynyń Jańa-О́zen qalasynda dúnıege kelgen. Bilimi joǵary.
 
1996 jyly Ál-Farabı atyndaǵy Qazaq memlekettik ulttyq ýnıversıtetin, 1998 jyly Qazaq memlekettik ulttyq ýnıversıtetin, 1999 jyly E.Matteı atyndaǵy joǵary mektepti (Mılan qalasy, Italııa), 2004 jyly Q.Sátbaev atyndaǵy Qazaq ulttyq-tehnıkalyq ýnıversıtetin aıaqtaǵan. Ekonomıka ǵylymdarynyń kandıdaty.
 
Ekonomıst, taý ken ınjeneri-munaıshy mamandyqtaryn meńgergen Serik Aıdarbekov eńbek jolyn Almaty qalasynda ınvestısııalyq saıasat departamentiniń jetekshi mamandyǵynan bastady.
 
Ár jyldary «Qazaqoıl» JAQ Ulttyq munaı kompanııasyna jobalardy basqarý departametiniń birlesken basqarý sektorynyń aǵa taldaýshysy, QR Premer-Mınıstr Keńsesiniń ónerkásip jáne ınfraqurylym óndiristik bóliminiń keńesshisi, «Agip KCO» kompanııasy, Gaaga qalasy (Nıderlandy) qazaqstandyq úlesin damytý jónindegi departamentiniń eksperımentaldyq baǵdarlama jobasynda qazaqstandyq úlesin damytý jónindegi keńesshisi, menedjeri (bólim bastyǵy), «Kaspıan Enerdjı Reserch» JShS bıznesti damytý jónindegi dırektory, «PaýerKomm» JShS bas dırektory, «Samuryq» memlekettik aktıvterdi basqarý jónindegi qazaqstandyq holdıngtiń munaı-gaz aktıvterin basqarý jónindegi toptyń bas sarapshysy, Premer-Mınıstr keńesshisi, Premer-mınıstri keńsesi ındýstrıaldy-ınnovasııalyq damý bóliminiń meńgerýshisi, Atyraý oblysy ákiminiń orynbasary, Atyraý qalasynyń ákimi, Prezıdent Ákimshiliginiń memlekettik ınspektory, Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary laýazymdarynda boldy.
 
Atyraý oblysy ákiminiń birinshi orynbasarlyǵyna taǵaıyndalǵanǵa deıin Serik Aıdarbekov Qazaqstan Respýblıkasy Parlamenti Májilisi apparatynyń basshysy laýazymynda bolǵan.
 
Eńbek jolyndaǵy tabystary úshin «Qurmet» ordenimen nagradtalǵan Serik Aıdarbekov aǵylshyn, ıtalıan tilderin jetik meńgergen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir