2 qarasha kúni "Almaty" telearnasynda "О́tkinshi jańbyr" atty jańa telehıkaıa kórermenderge jol tartady, dep habarlaıdy Qamshy tilshisi.

Túsirilim tobynyń aıtýynsha, «О́tkinshi jańbyr» hıkaıasy taǵdyr tálkegimen Almatyda kezdesip, jaqyn dos bolyp, ortaq is ashatyn eki túrli áıeldiń taǵdyry men olardyń armandary týraly baıandaıdy. Sol ýaqyt aralyǵynda olar ózgeredi, jeke tulǵa retinde ósedi, qıyndyqtardy jeńip, tabysqa jetedi. Bul ómirde bári múmkin ekenin dáleldeıdi.

Telehıkaıanyń rejısseri – Darhan Sarkenov. Basty rólderde Almat Saqatov, Nurgúl Myńǵatova jáne Saltanat Baqaeva sekildi ártister oınaǵan.

Nurgúl Myńǵatova, aktrısa:

Bul jobanyń prodıýseri fılmniń basty ıdeıasyn túsindirip, meniń keıipkerimniń minezi jaıly aıtyp berdi. Ról óz basyma unady. Shynymen de áıel adamdardyń basynan ótetin problema kóp. Sol úshin ol jan-jaqty bolýy kerek. Iаǵnı, úıdiń de jumysyna kóńil bólý, syrtta da óziniń oqyǵan mamandyǵymen jumys isteý. Bilesizder ǵoı, qazaqtarda áıel úıde otyrý kerek, úı sharýasyna qaraýy kerek, bala tárbıesine kóńil bólýi kerek. Biraq ta qazir zaman talaby basqa. Áıel adamdardyń kóbi bárine úlgeredi. Meniń keıipkerim jan-jaqty bolýy úshin baryn salmaq.  4 balasy bar, jaǵdaıy bári jaqsy. Tek óziniń jeke kásibin ashqysy keledi. Adamdarmen aralasyp, tanymyn keńeıtýge tyrysady. Sol jolda aldynan kóptegen kedergiler shyǵady. Áıel adam qyryq jandy deıdi ǵoı, onyń bárin túbinde jeńip, ómirinde otbasy men jumystyń arasynda tepe-teńdik ornaıdy. Keıipkerimniń bolmysy maǵan unady.

Telehıkaıa tanystyrylymynan

Almat Saqatov, akter:

Bul joba – óte kerek joba. О́ıtkeni otan – oshaqtan bastalady. Erli-zaıyptylar arasynda ne bolmaıdy. Birigip, otbasy beriktigi úshin atsalysý óte mańyzdy. Balalardy aıaqqa turǵyzyp, adam etý de úlken jaýapkershilik. Jumys dep júrip, otbasyna kóńil bóle almaı nemese jumystardy ysyryp qoıyp, tek otbasynyń qasynda bolyp jatamyz. Qarap otyrsaq, tepe-teńdikti ustap turý óte qıyn. Osy jáne otbasynda bolatyn ózge de máseleler qozǵalady. Serıaldyń aty maǵan unaıdy. О́ıtkeni ómirdiń bári ótkinshi, ár sát baǵaly.

Aıkerim  Samalbekqyzy, prodıýsser:

Telehıkaıanyń «О́tkinshi jańbyr» dep atalý sebebi, kez-kelgen otbasynda, adamda pende bolǵannan keıin qandaı da bir máseleler, problemalar, qıyndyqtar bolady. Sol ótkinshi jańbyr sııaqty ótedi de ketedi. Eń basty qundylyqtar ol otbasy bala-shaǵa, syılastyq, dostyq, týystyq qarym-qatynas máńgi qalady. Telehıkaıanyń negizgi ıdeıasy, kórermenge jetkizer oı osy bolatyn. Sondyqtan telehıkaıa «О́tkinshi jańbyr» dep atalady.

Telehıkaıa tanystyrylymynan

Telehıkaıa Almaty qalasynyń "Baqytty otbasy", "Eńbek", "Isker ana", "Bastaý bıznes" sııaqty áleýmettik jobalaryn iske asyryp, sondaı-aq shetsiz qala tujyrymdamasyn alǵa qoıady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir