О́skemen qalasynyń ákimi Jaqsylyq Omar Instagram-daǵy jazbasyna pikir qaldyrǵan jeli qoldanýshysyna "osy sóziń úshin jaýap beresiń" dep jazýynyń sebebin túsindirdi. Bul týraly egemen.kz saıty habarlady. 

Sandra_ouz búrkenshik esimdi azamat О́skemen qalasy ákiminiń "osy sóziń úshin jaýap beresiń" dep jazǵanyn skrınshot jasap jelige jarııalaǵan bolatyn. Onyń aıtýynsha, shahar basshysy tanysyna synı pikir qaldyrǵany úshin osylaı degen. Uzamaı Jaqsylyq Omar bulaı jazýynyń sebebin túsindirdi.

– Keshe áleýmettik jelide meniń jeke basyma qatysty eshqandaı faktilerge súıenbeı, qur emosııamen jazylǵan pikirdi kórdim. Meni qala basshysy retinde ekijúzdi dep aıyptaý qorlyq dep sanaımyn. Árıne, ózimniń ar-namysyma tıgen mundaı dálelsiz sózdi eleýsiz qaldyra almaımyn. Onyń ústine, sol adamǵa bireýdi qorlaýdyń jaýapkershiligi bolatyny týraly eskertkenimde, ol muny qorqytý dep qabyldady. Men árdaıym dáleldi, negizi bar talaptardy tyńdaýǵa daıynmyn. Biraq barlyqtaryńyz sııaqty jeke basyma qatysty qorlyqqa shydamaımyn. Mundaı qorlyq atqarýshy bılik pen turǵyndar arasyndaǵy tıimdi dıalogqa jat. Sizder bul oqıǵaǵa túsinistikpen qarap, obektıvti baǵa beredi dep senemin, –  dedi J.Omar.

Ákim sózinde jazbasyna pikir qaldyrǵan azamatty zań aıasynda jaýapqa tartqysy keletinin jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir