Premer-mınıstrdiń baspasóz qyzmeti buǵan deıin Ádilet mınıstrliginiń jaýapty hatshysy qyzmetin atqarǵan Azamat Ámirǵalıev Ádilet vıse-mınıstri bolyp taǵaıyndalǵanyn habarlady.

Úkimettiń qaýlysymen Ámirǵalıev Azamat Halımedenuly Qazaqstan Respýblıkasynyń ádilet mınıstriniń orynbasary bolyp taǵaıyndaldy, – delingen habarlamada.

Buǵan deıin ol Ádilet mınıstrliginiń jaýapty hatshysy qyzmetinen bosatylǵan.

Ádilet mınıstrligine kelgenge deıin ol Qazaqstan Prezıdentiniń Ákimshilik bóliminiń apparat jetekshisi bolǵan (2017 jyldyń qańtarynan bastap). 2011 jyldan bastap Prezıdent Keńsesinde jumys istedi, onda quqyqtyq, uıymdastyrýshylyq, kadrlyq máselelerdi basqarǵan.

Azamat Ámirǵalıev 1976 jyly 24 qazanda Almaty qalasynda dúnıege kelgen. 1998 jyly Qazaq quqyq jáne halyqaralyq qatynastar ınstıtýtyn halyqaralyq quqyq mamandyǵy boıynsha bitirdi. Eńbek jolyn 1998 jyly Ádilet mınıstrligi Zańnama jáne halyqaralyq quqyq departamentiniń zań jobalary jáne quqyqtyq saraptama bóliminiń aǵa mamany bolyp bastaǵan.

2003-2006 jyldary – zııatkerlik menshik quqyǵy komıteti tóraǵasynyń orynbasary, Qazaqstan Respýblıkasy Ádilet mınıstrliginiń tirkeý qyzmeti tóraǵasynyń orynbasary.

2006-2009 jyldary – Parlament Májilisi Zańnama bólimi basshysynyń orynbasary.

2009-2011 jyldary – "Alıans Bank" AQ korporatıvtik hatshysy.

2011-2017 jyldary – Qazaqstan Respýblıkasy Prezıdenti Ákimshiliginiń Zań bóliminiń meńgerýshisi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir