27 Qazan, 2020 Barlyq aımaqtar
Foto: Ashyq derekkóz
Qazaqstandaǵy asharshylyq týraly "Zulmat" derekti fılmi AQSh-taǵy HUMANITARIAN AWARD’ / "GÝMANITARLYQ JÚLDE" syılyǵyna laıyq dep tanyldy. Bul týraly fılm rejısseri Janbolat Mamaı facebook-te habarlady.
Fılm Nıý-Ĭorktegi RusDocFilmFest festıvalinde Eýropanyń túrli elinen kelip túsken 14 fılmnen turatyn negizgi setkaǵa engen.
"Búgin "Zulmat" fılmi Nıý-Ĭorktegi RusDocFilmFest festıvalinde "Gýmanıtarlyq júldege" laıyq dep tanylǵany jónindegi súıinishti habar aldym.
The Humanitarian Award (gýmanıtarlyq júlde) – gýmanıtarlyq qundylyqtardy damytýǵa jáne saqtaýǵa qosylǵan erekshe úles úshin beriletin júlde. Júlde avtorǵa, kınojobaǵa nemese fılmge beriledi.
Osylaısha, "Zulmat" – asharshylyq týraly, Qazaqstandaǵy genosıd týraly AQSh-ta, halyqaralyq arenada moıyndalǵan alǵashqy fılm ǵana emes, arnaıy premııaǵa qol jetkizgen fılm atanyp otyr.
Aıta ketergili, fılm aǵylshyn tilinde álemdik sahna – Nıý-Ĭorkte kórsetildi. Bul – bolshevıkter rejımi jasaǵan asharshylyqty Qazaqstanda genosıd retinde taný jolynda jasalǵan mańyzdy qadam. Ýkraına Golodomordy ýkraın halqyna qarsy jasalǵan genosıd dep moıyndatqany sııaqty Qazaqstan da jappaı asharshylyqty qazaq halqyna qasaqana jasalǵan qylmys – Genosıd dep moıyndatýǵa qol jetkizýi kerek.
Fılmdegi barlyq derekter muny tolyq rastap tur. Buǵan barshamyz birge qol jetkizemiz dep úmittenemin" dep jazdy Janbolat Mamaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir