27 Qazan, 2020 Áleýmet
Foto: qamshy.kz
Meshitte jamaǵatpen bes ýaqyt namaz oqýǵa ruqsat berildi. Bul týraly muftyat.kz saıty habarlady.
26 qazanda premer-mınıstr Asqar Mamınniń tóraǵalyǵymen el aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótti. Otyrys barysynda komıssııa meshit jumysyna qatysty sheshim qabyldanǵan.
"Bıyl 2 qarashadan bastap (juma namazyn qospaǵanda) meshitterde ujymdyq namaz (bes ýaqyt namaz) ótkizýge ruqsat etilsin" delingen komıssııa sheshiminde.
Biraq zalda 100 adamnan artyq kisi bolmaýy jáne 2 metr áleýmettik araqashyqtyq, maska rejımi qatań sanıtarlyq-dezınfeksııalyq rejım saqtalýy tıis.
Qazaqstan musylmandary dinı basqarmasy meshitke kelýshi jamaǵatty sanıtarlyq-dezınfeksııalyq rejımdi qatań saqtaýǵa shaqyrady, sonymen qatar karantın jaǵdaıyna baılanysty qazirge juma namazy oqylmaıtynyn habarlady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir