26 Qazan, 2020 Barlyq aımaqtar
Foto: inform.kz
Nur-Sultanda «Aýyl» halyqtyq-demokratııalyq patrıottyq partııasy saıası keńesiniń otyrysy ótti.
Kún tártibinde qaralǵan máselelerdiń biri - «Aýyl» halyqtyq-demokratııalyq patrıottyq partııasynyń QR parlamenti májilisi men máslıhat depýtattarynyń kezekti saılaýyna qatysýy.
«QR Prezıdenti Qasym-Jomart Toqaev Qazaqstanda 10 qańtar kúni QR Parlamenti májilisi men máslıhat depýtattarynyń saılaýy ótetini týraly jarlyq shyǵardy. Bul - biz úshin úlken saıası oqıǵa. Biz Qazaqstanda jumys istep kele jatqan saıası partııanyń biri retinde osy saıası naýqanǵa qatysýǵa tolyq quqylymyz. Partııamyz qurylǵaly jıyrma jylda maqsatymyz, jumysymyzdyń mazmuny, saıası platformamyz ózgergen joq. Sońǵy bes jylda 52 myńnan astam Qazaqstan azamaty partııamyzdyń múshesi boldy. Partııamyzdyń ıdeıasyn qoldaýshylar jyldan jylǵa kóbeıip kele jatyr. Alda kele jatqan saılaýǵa «Aýyl» halyqtyq-demokratııalyq patrıottyq partııasynyń qatysýy týraly usynys engizemin», - dedi «Aýyl» halyqtyq-demokratııalyq patrıottyq partııasynyń tóraǵasy Álı Bektaev.
Ol aldaǵy sezde partııalyq tizimdi bekitip, halyqtyń aldynda jarııa etetinin aıtty.
«Aýyl» halyqtyq-demokratııalyq patrıottyq partııasynyń saıası keńesi QR Prezıdentiniń jarlyǵyna sáıkes 2021 jyly 10 qańtarda ótetin QR Parlamenti májilisi men máslıhat depýtattarynyń kezekti saılaýyna «Aýyl» halyqtyq-demokratııalyq patrıottyq partııasynyń qatysatynyn málimdeıdi», - dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir