"Baspana hıt" baǵdarlamasy arqyly salynyp jatqan úıdi alýǵa bolady

"Baspana hıt" baǵdarlamasy boıynsha salynyp jatqan turǵyn úıdi nesıe arqyly alýǵa bolady. Bul týraly "Qazaqstannyń ornyqtylyq qory" AQ Syrtqy kommýnıkasııalar qyzmeti habarlady.

Baspasóz qyzmetiniń habarlaýynsha, "Baspana Hıt" baǵdarlamasyn iske asyrý kezinde azamattardyń ótinishteri, bankter, qurylys kompanııalary men qoǵamdyq birlestikterdiń usynystary qarastyrylǵan. Ulttyq bank turǵyn úıdiń qoljetimdiligin arttyrýǵa jáne bastapqy turǵyn úıge suranysty kóbeıtý maqsatynda qaýlyǵa birqatar túzetýler engizdi.

Sondaı-aq jańa qaýlyda engizilgen ózgeriste "Baspana hıt" baǵdarlamasy boıynsha salynyp jatqan turǵyn úıdi nesıe arqyly satyp alýǵa bolady.

Qaýlyǵa sáıkes:

• Nur-Sultan men Almaty qalalarynda bastapqy turǵyn úıdiń eń joǵary quny – 35 mıllıon teńge;
• Shymkent qalasynda bastapqy jáne qaıtalama naryqtarda satyp alynatyn turǵyn úıdiń eń joǵary quny – 25 mıllıon teńge; 
• Qaraǵandy qalasynda – 20 mıllıon teńge;
  Basqa aımaqtarda – 15 mıllıon teńge.
• Úlestik qatysý sheńberinde salynyp jatqan turǵyn úıdi satyp alýǵa kredıt berýdi bastaý úshin baǵdarlama operatory seriktes banktermen birge daıyndyq jumystaryn júrgizýde.
• "Baspana Hıt" baǵdarlamasynyń klıentteri qazirden bastap jańa shekti baǵalarmen ıpoteka rásimdeı alady.

"Baspana Hıt" baǵdarlamasy sheńberinde 2020 jylǵy 26 qazandaǵy jaǵdaı boıynsha 388,1 mlrd teńgege 44 228 ótinim maquldandy, onyń ishinde 306,8 mlrd teńge somasyna 35 769 qaryz berildi.