Elorda bas sanıtar dárigeriniń karantındi kúsheıtý týraly jańa qaýlysy shyqty. Qaýly 25 qazanda kúshine endi. Bul týraly astana.gov.kz habarlady. 

Jańa qaýly boıynsha oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, eske alý is-sharalaryn (banketter, úılený toılary, mereıtoılar, eske alý) úıde ótkizýge, mıtıngiler, sherýler, jıyndar jáne t. b. ótkizýge tyıym salyndy. 

Mindetti túrde 2 metrden kem emes áleýmettik qashyqtyqty saqtaı otyryp, jeke tártippen jáne 5 adamnan aspaıtyn toppen tek ashyq aýada sporttyq jattyǵý ótkizýge bolady. 3 adamnan aspaıtyn toptardan nemese bir otbasy múshelerinen basqa, tabıǵatqa ekskýrsııalyq, korporatıvtik, toptyq shyǵý uıymdastyrýǵa jáne qalanyń kórikti jerlerine sholý jasaýǵa bolmaıdy. 

Bılıard, karaoke, boýlıng ortalyqtary, kompıýterlik klýbtar, túngi klýbtar, jabyq ǵımarattardaǵy balalar oıyn alańdary men attraksıondary, batýttar, karaoke, býkmekerlik keńseler men oıyn klýbtary, onyń ishinde lotereıalar utys oıyny sııaqty oıyn-saýyq mekemelerine barýǵa jol bermeý qajet.

65 jastan asqan adamdardyń qala jáne qoǵamdyq oryndar boıynsha júrip-turýyna shekteý jasaldy.

Burynǵysha tómendegi talaptardy qatań saqtaý mindetteldi:

– betperde kııý;

– qashyqtyqty saqtaý;

– antıseptıkterdi paıdalaný.

Sonymen qatar birqatar shekteýler engizildi. Máselen jeksenbi kúnderi qoǵamdyq kólikterdiń jumystaryna tyıym salyndy, al jumys kúnderi jáne senbi kúnderi jumys kestesi saǵat 6:00-den 23:00-ge deıin bolady. Saýda-oıyn-saýyq ortalyqtarynyń, saýda úıleriniń, saýda ortalyqtarynyń demalys jáne mereke kúnderi jumystaryna tyıym salynady. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir