Qazaqstanda kınoteatrlar ashyldy

Qazaqstannyń turaqty epıdemıologııalyq ahýaly bar aımaqtarynda kınoteatrlar jumysyn qaıta bastady. Bul týraly Tengrinews.kz habarlady.

– 26 qazannan bastap araqashyqtyq pen maska rejımin saqtaı otyryp, adam sanyn 30 paıyzdan asyrmaıtyn kınoteatrlardyń jumysy qaıta bastalsyn, –  delingen vedomstvoaralyq komıssııa habarlamasynda.

Buǵan deıin kınoteatrlardyń alǵashqy kúni kórermenderge "Lıýbov na mıllıon" komedııasy kórsetiletini habarlanǵan. Sondaı-aq "Pyshka" (prodıýser Baıan Maqsatqyzy), "Semeınye strastı" (prodıýser Almat Shadmat) jáne "Janym, ty ne poverısh" (prodıýser Jandos Aıbasov) komedııalary ekranǵa oralady.

Sonymen qatar kórermender rejısser Nıkı Karonyń "Mýlan" dramasyn jáne Krıstofer Nolannyń "Argýment" ekshn-fılmin kóredi.

2 qarashada "Bazar joq, Meksıka" komedııasynyń premerasy josparlanyp otyr.