Samsung tóraǵasy Lı Gon Hı qaıtys boldy

Samsung konserniniń tóraǵasy Lı Gon Hı 79 jasynda qaıtys boldy, dep habarlady Rıa NOVOSTI portaly.

Saıt málimetinshe, Lı Gon Hı jeksenbide Seýldegi Samsung aýrýhanasynda qaıtys boldy.

Ol 1942 jyly dúnıege kelgen. 1987 jyly Samsung-tyń negizin qalaǵan ákesinen keıingi ekinshi tóraǵasy boldy.

Lı Gon Hı 2014 jyly ınfarkt alyp, sodan keıin korporasııany baqylaý is júzinde onyń uly, Samsung Electronics enshiles kompanııasynyń vıse-prezıdenti Lı Chje Enge ótti.

Lı Chje En konsernde bılikti qolǵa alǵan kezinde Samsung Group-ty baqylaý úshin korporasııa ishindegi kompanııalardy biriktirý kezinde zańsyz alaıaqtyqqa qatysqan degen kúdikke ilingen.

Lı Gon Hıdiń Lı Chjı Ennen basqa Lı Bý Chjın men Lı Sý Hen atty qyzdary  bar. Lı Iýn Hen degen qyzy 2005 jyly óz-ózine qol jumsaǵan.