"Asyl Arna" dırektory Muhamedjan Tazabek telearna qalaı qarjylandyrylatyny, arna baǵyty keleshekte qalaı ózgeretini týraly aıtyp berdi.

Aqyn "Tálim Trend baǵdarlamasynyń aınalasyndaǵy daýǵa baılanysty ótkizgen tikeleı efırde "Asyl Arna telearnasyn arabtar qarjylandyrady" degen áńgime shyndyqqa janaspaıtynyn, telearna birde-bir memleketten aqsha almaǵanyn atap ótti.

Ol "shetelden aqsha alý opasyzdyq, jaýapsyzdyq" bolar edi dep, arna eshbir elden 1 dollar da almaǵanyn aıtty.

Muhamedjan Tazabektiń sózinshe, telearna ara-tura ǵana tenderge qatysyp, azyn-aýlaq aqsha tabatyny bar. Tabystyń negizgi kózi – jarnama. Keı-keıde qarapaıym azamattar men qaltaly adamdar qarjylaı qoldaý jasap turatynyn jasyrmady.

Aqyn endi arnada dinı baǵdarlamalar azaıyp, otbasylyq habarlar, ulttyq qundylyqtarǵa negizdelgen baǵdarlamalar artatynyn aıtty.

Sondaı-aq ol 10 jyldan beri Qazaqstan musylmandary dinı basqarmasyna "Asyl Arnadan" dinı arna jaýapkershiligin alýdy, dinı basqarma jeke din baǵytyndaǵy arna ashýy qajettigi týraly aıtyp kele jatqanyn jetkizdi.

Sózinshe, usynysy maquldanyp, jýyq aralyqty  "Halyq arna" telearnasynyń ornyna Qazaqstan musylmandary dinı basqarmasynyń jeke arnasy ashylatyn bolady.

Ilmek sózder: Asyl Arna

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir