24 Qazan, 2020 Áleýmet
Foto: Muhamedjan Tazabektiń facebook paraqshasynan
Aqyn Muhamedjan Tazabek "Qazaqstan" ulttyq telearnasy efırinen kórsetilip júrgen "Tálim Trend" baǵdarlamasyna qarsy adamdar shyn máninde kóp emes ekenin aıtty.
Onyń sózinshe, baǵdarlama tóńiregindegi shý qoldan jasalǵan, adamdardyń topshylaýynan týǵan.
Aqyn áleýmettik zertteýler kórermenniń 10 paıyzy belgili bir ónimdi jaqsy kórse, taǵy 10 paıyzy unatpaýy múmkin ekenin, qalǵan 80 paıyz eki taraptyń biriniń pikirine qosylyp ketetinin kórsetkenin atap ótti.
– "Tálim Trend" baǵdarlamasyn 100 myńdaǵan adam qoldap otyr. Al qarsy shyǵýshylar 1 paıyz ǵana, – degen ol baǵdarlamada din taqyryby kóterilmeıtinin, ózin din adamy emes, aqyn, qoǵam qaıratkeri dep sanaıtynyn aıtty.
Sondaı-aq ol baǵdarlamany ulttyq arnadan kórsetý oıy telearnany qazirgi prezıdent keńesshisi Erlan Karın basqaryp turǵan ýaqytta týǵanyn, belgili sebeptermen joba keıingi qalyp, oıdy júzege asyrýdyń oraıy endi kelip jatqanyn jetkizdi.
Buǵan deıin Qamshy.kz portaly "Qazaqstan arnasynan Tazabektiń "Tálim" berýin qoldaısyz ba?" atty saýalnama júrgizgen. Saýalnama nátıjesi boıynsha qatysqandardyń 88,7 paıyzy baǵdarlamaǵa qarsylyqtaryn bildirgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir