24 Qazan, 2020 Barlyq aımaqtar
Foto: otyrar.kz
24 qazanda Shymkent qalasynyń temir jol stansııasynda №117 baǵytyndaǵy 13 vagon joldan shyǵyp aýdarylǵan. Qaıtys bolǵandar men zardap shekkender joq. Oqıǵanyń sebepteri anyqtalyp jatyr. Bul týraly QR TJM resmı ókili Talǵat Ýálı habarlady.
Resmı ókil sózinshe, vagondar bos, quramynda 21 vagon bolǵan.
Oqıǵa ózge poıyzdardyń qozǵalysyna da áser etken. Qolda bar derekke saı, 5 jolaýshy jáne 10 júk poıyzy toqtap tur.
"Qazirgi ýaqytta jóndeý-qalpyna keltirý jumystary júrgizilýde, «QTJ» AQ-nyń 200 qyzmetkeri, Shymkent, Arys jáne Taraz stansııasynan 3 birlik qalpyna keltirý poıyzy jumyldyryldy.
Oqıǵa ornynda Shymkent qalasy TJD 6 qyzmetkeri jáne 3 birlik tehnıkasy, Shymkent stansııasy Ishki ister jelilik polısııa bóliminiń 10 qyzmetkeri jáne 1 birlik tehnıkasy jumys isteýde. Joldy bosatý baǵytynda jumystar júrgizilip jatyr.
24 qazan saǵat 13.00-ge deıin poıyzdardyń qozǵalysy úshin bir joldy qalpyna keltirý josparlanýda" dep habarlady Talǵat Ýálı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir