Qazaqstan bas sanıtar dárigeriniń jańa qaýlysy jarııalandy

Densaýlyq saqtaý mınıstrligiń sanıtarııalyq-epıdemıologııalyq baqylaý komıteti saıtynda bas memlekettik sanıtar dáriger Erlan Qııasovtyń jańa qaýlysy jarııalandy.

Qujat Qazaqstannyń memlekettik shekarasyndaǵy ótkizý pýnktterinde koronavırýs ınfeksııasynyń aldyn alý jónindegi sharalardy odan ári kúsheıtýge qatysty bolyp otyr.

Qaýlyǵa sáıkes:

1. Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary, ortalyq memlekettik organdar, kóliktegi Sanıtarııalyq-epıdemıologııalyq baqylaý departamenti:

1) Qazaqstan Respýblıkasyna shetelden avıareıstermen keletin adamdarǵa qatysty is-sharalardy mynadaı tártippen júrgizýdi qamtamasyz etsin:

olardy ertip júretin adamdarda PTR ádisimen COVID-19-ǵa testten ótkeni týraly anyqtama bolǵan kezde 5 jasqa deıingi balalardy, Qazaqstan Respýblıkasynyń úkimettik delegasııalaryn; QR Syrtqy ister mınıstrliginiń shaqyrýy boıynsha Qazaqstanǵa keletin shet memleketterdiń jáne halyqaralyq uıymdardyń resmı delegasııalarynyń múshelerin; Qazaqstanda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri men olardyń otbasy múshelerin; avıakompanııalar ekıpajdaryn qospaǵanda, Qazaqstan Respýblıkasynyń Memlekettik shekarasyn kesip ótken barlyq keletinder kem degende 3 táýlik buryn alynǵan anyqtamany usyný qajet.

"Qazaqstan Respýblıkasynyń úkimettik delegasııalaryn; QR Syrtqy ister mınıstrliginiń shaqyrýy boıynsha Qazaqstanǵa keletin shet memleketterdiń jáne halyqaralyq uıymdardyń resmı delegasııalarynyń múshelerin; Qazaqstanda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri men olardyń otbasy múshelerin; avıakompanııalar ekıpajdaryn qospaǵanda, Qazaqstanǵa shetelden halyqaralyq jolaýshylar avıareısterimen kelgen adamdarǵa qatysty shekteý sharalary osy qaýlyǵa 1-qosymshaǵa sáıkes júrgiziledi" delingen qujatta.

Sonymen qatar, halyqaralyq tranzıtpen júretin jolaýshylar tranzıttik aımaqtan shyqpaıdy jáne sońǵy mejeli pýnktte shekteý sharalaryn júrgizýge jatady;

Qazaqstanǵa shetelden keletin elimizde akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri men olardyń otbasy músheleri bolatyn/turatyn jeri boıynsha COVID-19-ǵa zerthanalyq zerttep-qaraýǵa jatady. Olarǵa osy qaýlyǵa 3-qosymshaǵa sáıkes tıisti qolhat alyna otyryp, COVID-19-dyń yqtımal sımptomdary týraly túsindirý júrgiziledi.

Munymen qosa, qaýlyda Qazaqstanǵa QR Memlekettik shekarasy arqyly ótkizý pýnktterinen temirjol, teńiz, ózen kóliginde jáne avtoótpe joldarynda keletin adamdarǵa qatysty is-sharalardy tıisti tártippen júrgizý qamtamasyz etilmek. Áýe kompanııalary basshylaryna tıisti sharalardy qamtamasyz etý tapsyryldy:

1) Anyqtama bolmaǵan jaǵdaıda QR azamattary bolyp tabylmaıtyn jolaýshylardy áýe kemesiniń bortyna otyrǵyzýǵa jibermeýdi;

2) ushý kezinde jolaýshylar men ekıpajǵa saýalnama júrgizýdi, onyń ishinde tolyq toltyrylǵanyn tekserýdi, tolyq toltyrylmaǵan jaǵdaılarda qosymsha saýalnama júrgizýdi;

3) toltyrylǵan saýalnamalardy, manıfestti jáne áýe kemesiniń bas deklarasııasyn ushyp keletin áýejaıdaǵy sanıtarııalyq-karantındik pýnkttiń mamanyna tez arada berýdi;

4) tirkeýden ótý, áýe kemesine otyrǵyzý jáne odan túsirý kezinde jolaýshylar arasynda qaýipsiz qashyqtyqty (keminde 1 metr) jáne maska rejımin saqtaýdy;

5) áýe kemesiniń bortynda jeke qorǵanysh quraldarynyń (maskalar, qolǵaptar), qolǵa arnalǵan antıseptıkterdiń, dezınfeksııalaý quraldarynyń bolýyn;

6) ushý kezinde áýe kemesiniń salonynda jolaýshylardyń qozǵalysyn, sondaı-aq dárethananyń janynda jınalýyn shekteýdi;

7) qyzmetkerlerdi jumysqa jeke qorǵanysh quraldary (medısınalyq maskalar, qolǵaptar) bolǵan kezde jiberýdi;

8) dene temperatýrasyn ólsheı otyryp, qyzmetkerlerdi aýysym aldyndaǵy (ushý aldyndaǵy) medısınalyq qarap-tekserýden ótkizýdi;

9) turaqty halyqaralyq áýe qatynastaryn qalpyna keltirý aldynda áýe kemelerindegi aýa baptaý, jeldetý júıelerine revızııa júrgizýdi jáne súzgilerdi aýystyrýdy qamtamasyz etsin.