Reseı prezıdenti Vladımır Pýtın Qyrǵyzstanda bolyp jatqan oqıǵalarǵa eliniń aıanyshpen qarap, alańdaıtynyn, biraq proseske aralaspaıtynyn aıtty. Bul týraly ol 22 qazanda "Valdaı" klýbynyń kezekti otyrysynda málimdedi.

"Ol jaqty qyrsyq shaldy, bul – qyrǵyz halqyna jabysqan bále. Saılaý bolsa, tóńkeris bolady" dedi Pýtın. 

Pýtınniń pikirinshe, syrttan jasalǵan kez kelgen abaısyz qımyl "jas" memleketterdiń "jańadan qalyptasyp kele jatqan názik egemendik ınstıtýty men memlekettigine" nuqsan keltiredi.

– Adamdardyń ózderine qoǵam ishinen osy qatynasty qalyptastyrýǵa múmkindik berýikerek.

Árıne, ol jaqta bolyp jatqan oqıǵalarǵa aıanysh bildirmeı, alańdamaı qaraý múmkin emes. Biraq biz aralaspaımyz. Biz jekelegen saıası kúshterdi qoldamaımyz, aqyl-keńesimizdi tyqpalap, aralaspaımyz. Qyrǵyzstanda jaǵdaı qalypqa keledi, memleket aıaǵynan tik turyp, dúrildep damıdy, ara qatynasymyz jaqsy kúıde qalady dep úmittenemiz, – dedi ol.

Ilmek sózder: pýtın qyrǵyzstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir