О́zbekstandaǵy etnıkalyq qazaqtardyń kishi quryltaıy ótti

Búgin, kópten kútken Dúnıejúzi Qazaqtarynyń qaýymdastyǵynyń kezekti onlaın rejımde, Otandastar qory, QR Bilim jáne ǵylym mınıstrligi, QR Syrtqy ister mınıstrligi, sondaı-aq, О́zbekstan Respýblıkasyndaǵy Qazaq mádenı ortalyǵy ókilderimen onlaın túrde О́zbekstanda turyp jatqan etnıkalyq qazaqtardyń kishi quryltaıy ótkizildi.

Quryltaıdy - Dúnıejúzilik Qazaqtarynyń qaýymdastyǵy tóraǵasynyń birinshi orynbasary Zaýytbek Qaýysbekuly Turysbekov ashty. Quryltaıdyń ashylýyna baılanysty sheteldegi barsha qandastardy quttyqtady. Bul quryltaıǵa Elordamyz Nur-Sultan qalasynan aqparat jáne qoǵamdyq damý mınıstri, Qaýymdastyq pen Otandastar qorynyń el aǵalary qatysty.

Kishi quryltaıǵa Qazaqstan Respýblıkasynyń Aqparat jáne qoǵamdyq damý mınıstri Aıda Ǵalymqyzy Balaeva jáne Dúnıejúzilik Qazaqtarynyń qaýymdastyǵy tóraǵasynyń birinshi orynbasary Zaýytbek Qaýysbekuly Turysbekov, Otandastar qory vıse-prezıdenti Maǵaýııa Qanapııauly Sarbasov, QR Bilim jáne ǵylym mınıstrligi, Qazaqstan Respýblıkasynyń elshilik ókilderi, О́zbekstan Respýblıkasy mınıstrler kabınetiniń janynan sheteldermen ultaralyq qatynastar jáne dostyq baılanystar jónindegi komıtet bólim basshysy Ferýz Bekov jáne sol jaqtaǵy Qazaq mádenı ortalyǵynyń basshysy Serikbaı Nazaruly Úsenov, sondaı-aq sheteldegi Dúnıejúzi Qazaqtarynyń Qaýymdastyǵynyń tóralqa músheleri jáne basqada jaýapty ókilder qatysty.

Quryltaıǵa alys-jaqyn shetelde turyp jatqan qandas baýyrlarymyzda qatysyp, bilim, ǵylym, mádenıet, óner salasy boıynsha kóptegen ártúrli máseleler aıtyldy. Quryltaıda negizi atqarylatyn sharalar men júzege asyratyn jobalar jaıynda máseleler men usynystar jaıynda da toqtaldy.

Alǵashqy sóz, QR Aqparat jáne qoǵamdyq damý mınıstri Aıda Ǵalymqyzyna berildi.

 Quryltaıda mınıstr Aıda Ǵalymqyzy, sheteldegi qandastar baýyrlarymyzdy eshqashan nazardan tys qaldyrmaǵandyǵy jaıynda aıtyp ótti. Eń basty maqsat árıne sheteldegi qazaq qandastarymyzdyń tarıhı otanyna degen baılanysyn únemi qoldap otyrýyna asa kóńil bólgenin ańǵarýǵa ábden bolady. О́zbekstan Respýblıkasyndaǵy Qazaq qaýymdastyǵy eń kóp shoǵyrlanǵan memleketterdiń biri ekenin basa aıtyp ótti. Qazaqstan men О́zbekstan eli arasyndaǵy arasyndaǵy baýyrlastyq jyldan-jylǵa artyp kele jatqany jaıly, sonyń ishinde mádenı-gýmanıtarlyq baılanystyń erekshe nazarda ekenin aıtyp, bıylǵy jyly qazan aıynyń basynda Tashkent qalasynda «Abaı úıi» Qazaq mádenı iskerlik ortalyǵy ashylǵany jaıly aıtyldy.

Bul joba О́zbekstandaǵy Qazaq mádenı uıymdaryna qoldaý kórsetip, túrli baǵyttarǵa, birlesken jobalardy iske asyrýdy kózdeıtinin aıtyp ótti. Sondaı-aq, sheteldegi qandas-baýyrlarymyzǵa jan-jaqty qoldaý kórsetý barysynda «Otandastar» qorynyń jumys jasaıtynda onyń ishinde bilim, ǵylym, mádenıet salasy jaıynda naqty keń toqtalyp, bolashaqta sheteldegi jastardy oqýǵa tartý jaıly toqtaldy.

Sóz sońynda QR Aqparat jáne qoǵamdyq damý mınıstri Aıda Ǵalymqyzy kishi quryltaı О́zbekstandaǵy qazaq dıasporasymen ózara mádenı baılanysty keńeıtip, qarym-qatynasty odan ári nyǵaıtý maqsatynda uıymdastyrylyp otyrǵanyn, sheteldegi qandastarǵa jan-jaqty qoldaý kórsetýge ázir ekendigin atap ótti.

 Sondaı-aq, quryltaıda Dúnıejúzilik Qazaqtarynyń qaýymdastyǵy tóraǵasynyń birinshi orynbasary Zaýytbek Qaýysbekulyna quryltaıda barsha alys-jaqyn sheteldegi qandas-baýyrlarymyzdy kishi quryltaıdyń ashylýymen quttyqtady. Sonymen qatar, osyǵan deıin shetelde ótkizilgen quryltaılardyń maqsatyna tolyq toqtap ótti.

 «Otandastar» qorynyń vıse-prezıdenti Maǵaýııa Qanapııauly sheteldegi qandas jastar úshin Qazaqstanda bilim baǵdarlamalary týraly aqparat berip, osy baǵyttaǵy «Otandastar» qorynyń jumysymen tanystyrdy. Sonymen qatar Qazaqstandaǵy daıyndyq bólimderi jaıynda da aıtyldy.

Kishi quryltaıda - О́zbekstandaǵy «Qazaq» mádenı ortalyǵynyń ókilderi sóz sóılep, onyń ishinde ortalyq ókilderi óz oılaryn ortaǵa salyp, ásirese bilim, ǵylym, mádenıetke baılanysty, onyń ishinde oqý-bilimge kóp kóńil bólýge toqtady. О́zbekstanǵa Qazaqstandaǵy joǵary oqý oryndarynyń fılıaldaryn ashý týralyda sóz qozǵaldy.

Bıyl uly Abaıdyń 175 jyldyq mereıtoıyna oraı О́zbekstandaǵy qazaq mektepterinde birneshe mádenı-sharalar ótkizilip jatqandyǵy bilim salasy boıynsha ókilderi aıtyp ótti. Bul árıne úlken jumys ekendigin ańǵarýǵa ábden bolady. Quryltaıǵa Eýropadan da qandas baýyrlarymyz qatysyp óz usynystaryn, oılaryn aıtty. Shvesııada turatyn qandasymyzdyń Otanǵa, elge degen ystyq sezimi osy quryltaıda barsha qatysýshylardyń kóńiline uıa salǵanyn baıqaýǵa ábden bolady. Qandasymyzdyń týǵan balasy ózimizdiń qara shańyraǵymyz Ál-Farabı atyndaǵy Qazaq ulttyq ýnıversıtetinde osydan birneshe jyl buryn bilim alyp, búginderi Qazaqstanda qalyp otbasyn quryp, ary qaraı óz mamandyǵy boıynsha jumys jasap jatqandyǵy jaıynda toqtalyp ótti. Táýelsizdik alǵannan beri Ál-Farabı atyndaǵy Qazaq ulttyq ýnıversıtetinde myńdaǵan shetelden kelgen qazaq jastary bilim alyp qazir elimizdiń túkpir túkpirinde qyzmet atqarýda. Árıne sheteldegi qandas-baýyrlamyzǵa kishi quryltaılar jıi ótkizilip tursa, nur ústine nur bolar edi.

Quryltaı sońynda sheteldegi barsha qandas-baýyrlarymyzda óz oılaryn ortaǵa salyp, bolashaqta budanda úlken jetistikterge qol jetkizetinine úlken senimmen qaraýda. Quryltaıdy uıymdastyrýshylarǵa qandas baýyrlarmyz alǵystaryn sheksiz jaýdyryp jatty.

Ál-Farabı atyndaǵy QazUÝ

Joǵary oqý ornyna deıingi

bilim berý fakýlteti

dekannyń orynbasary

M.B.Amırkanov