Ázerbaıjan qorǵanys mınıstrligi Armenııa qarýly kúshterin beıbit turǵyndar turatyn aýdandarǵa úsh ballıstıkalyq zymyran jiberdi dep aıyptady.

"Armenııa qarýly qúshteri shamamen 07:00-de Sııazan aýdany baǵytynda 3 zymyran, shamamen 09:00-de Gabala aýdany boıynsha eki zymyran jáne Kúrdamır aýdany boıynsha bir zymyran ushyrdy.

Armenııa qarýly kúshteri beıbit turǵyndar men azamattyq ınfraqurylymdy kózdegen" delingen Ázerbaıjan qorǵanys mınıstrligi taratqan habarlamada.

Bul aqparatty Armenııa qorǵanys mınıstrliginiń resmı ókili joqqa shyǵardy. 

"Bul málimdeme Ázerbaıjannyń taǵy bir arandatýy, olar Armenııany soǵys qımyldaryna tartýdy maqsat etip otyr" delingen resmı ókil Arsrýn Ovannısıannyń habarlamasynda.

Taýly Karabahtaǵy jaǵdaı 27 qyrkúıekte shıelenise túsken edi. Aımaqta eki ret atysty toqtatý týraly kelisimge qol jetkizilgenine qaramastan, Armenııa jáne Ázerbaıjan qarýly kúshteri arasyndaǵy qaqtyǵys aýyq-aýyq qaıtalanyp jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir