• USD 468.56

  • EUR 497.56

  • RUB 7.3

  • CNY 67.18

29 Naýryz, 11:38:11
Almaty
+35°

Ulttyq qoǵamdyq senim keńesiniń tórtinshi otyrysynda Qazaqstan prezıdenti Qasym-Jomart Toqaev bilim berý júıesindegi jekelegen máselelerge toqtaldy.

– Meniń tapsyrmama sáıkes, JOO-nyń qurylymyn ózgertý jumystary júrgizilýde. Kóptegen JOO-lar kommersııalyq emes aksıonerlik qoǵamǵa aınaldy. Bul el úshin ártúrli áńgime týǵyzýda. Sondaı-aq iri memlekettik joǵary oqý oryndary keıinnen jekemenshikke satylýy múmkin degen de kúdik bar. Osyǵan oraı Ulttyq jáne memlekettik joǵary oqý oryndary satylmaıtynyn málimdeımin. Bul másele aıryqsha nazarda, – dedi prezıdent.

Sondaı-aq prezıdent bıylǵy joldaýda barlyq másele ashyq aıtylyp, ony sheshýdiń naqty joldary usynylǵanyn atap ótti.

– Memlekettik basqarýdyń tıimdiligin kúsheıtý ıdeıasy – Joldaýdyń negizgi ózeginde turǵan másele. Jalpy memlekettik basqarýdyń júıesin reformalaý – óz aldyna keń aýqymdy mindet. Tipti bul barlyq reformalardyń qaınar kózi. Memleketti jańǵyrtýdyń basty arqaýy desek artyq emes. Biz bul reformany memlekettik josparlaý júıesin qaıta qurý isinen bastaýdy uıǵardyq. Osy maqsatpen strategııalyq josparlaý jáne reformalar agenttigi quryldy. Agenttik jumysyn bastap ta ketti. Biraq myna nárseni durys túsinýimiz kerek. Bul qurylym qara bastyń qamy úshin jasalǵan joq. Jańa agenttik – alǵa qoıǵan mindetterdi sheshýge arnalǵan negizgi qural. Reformalardy úılestiretin mańyzdy qurylym, – dedi Toqaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir