Ulttyq keńestiń kezekti IV otyrysynda "Talbesik" kópbalaly analar qozǵalysynyń jetekshisi Lázzat Qojahmetova kópbalaly otbasylarǵa arzan, qoljetimdi úı berilýin surady.

– Kópbalaly otbasylarǵa beriletin qaıtarymsyz granttardyń kóbeıgenin qalaımyz. Budan bólek aýyl turǵyndaryna beriletin 6 paıyzdyq nesıe bar. 6 mln teńge kredıtti alý úshin basyńda birneshe baspanań, ne úlken jaıylymdyq jeriń bolýy kerek. Osy rette aýyl turǵyndaryna kredıt berýdiń sharttaryn jeńildetip, baǵalaıtyn múlik qunyn joǵarylatýdy suraımyz, – dedi ol.

Lázzat Qojahmetova úı kezeginiń málimetteri ashyq jarııalanatyn respýblıkalyq saıttyń bolýy keregin aıtty.

– Turǵyn úı saıasaty salasynda bir mezette jeti memlekettik operator jumys isteıdi eken. О́kinishke qaraı, turǵyn úı kezeginde turǵan adamdardyń tizimin ashyq jarııalap kórsetetin respýblıkalyq saıt joq. "Kim kezekten úı aldy? О́z kezegimen aldy ma? Jemqorlyq faktileri oryn almady ma?" degen suraqtardyń jaýaby saıtta ashyq kórinip turýy kerek. Byltyr úı alǵandar áli kezekte tur, kezek jańarmaı jatyr degen sekildi máseleler bar.

30 myńǵa jýyq kópbalaly otbasy úı kezeginde tur eken. Olarǵa arendalyq baspana beredi. Biraq ol muraǵa qalmaıtyndyqtan, halyq ıpoteka alady. Memlekettik "7-20-25" jáne "5-10-20" degen baǵdarlamalar bar. Biraq bul baǵdarlamalarmen úı alýdyń óz qıyndyǵy bar. Máselen, tek jańa úılerge ıpoteka beriledi. Al ol úılerdiń baǵasy qymbat: bir úıdiń baǵasy 15 mln teńge turady. 4-5 balasy bar otbasyǵa bir bólmeli páterdi 20 jylǵa ıpotekaǵa alý tıimsiz. Jańa úılerdiń baǵasy qymbat, arzan úıler jyl sońyna deıin tapsyrylyp bitpeıdi. Bizden usynys: "5-10-20" baǵdarlamasy boıynsha arzan, jóndeý jumysy jáne múligi bar úılerdiń berilýin suraımyz, – dedi Qojahmetova.

>>OQI OTYRYŃYZDAR: 

Kredıt keshiriletini ras pa? Mamın jaýap berdi