Jýrnalıst, saıasatker, 2019 jylǵy prezıdent saılaýyna qatysqan Ámirjan Qosanovtyń holanews.kz saıtynda kólemdi suhbaty jarııalandy. Qosanov áńgime barysynda saılaýǵa deıingi jáne keıingi oqıǵalar týraly aıtyp, prezıdent Toqaev jaıly oılaryn ortaǵa saldy.

Saıasatkerdiń sózinshe, oǵan saılaý óterden 10 kún buryn kúshtik qurylymdarda jumys istegen, qazir zeınettegi dostary habarlasyp, ózine qarsy ázirlenip jatqan úsh nárse týraly aıtqan.

 

– Birinshi aıtqandary, Áblıazov mıtıng ótkizip, óz maqsaty úshin meni qoldanǵysy keletini týraly boldy. Ol Almaty men Astanada jáne birneshe iri qalada úlken mıtıngter ótkizýdi josparlaǵan.

Ekinshisi, qordalanǵan problemasy bar shaǵyn qalalarda kópbalaly analar men jumyssyzdardyń bas kóterýi ázirlenip jatqany týraly edi. Ondaı qalalardyń qatarynda Semeı men Jańatastyń aty ataldy. Dál osy qalalarda narazylyq sherýlerin uıymdastyrý josparlanǵan.

Úshinshisi, maǵan qastandyq jasalýy múmkin ekeni jaıly. Meni qurban etip kórsetý arqyly ózderiniń maqsattaryn iske asyrýǵa tyrysýy yqtımal ekeni habarlandy.

Osylardy jetkizip, raıymnan qaıtýǵa shaqyrdy. Men qaıtpaıtynymdy aıttym. Meni kúzetip júrý úshin eki adamdy qosyp qoıdy, – dedi ol ózine osy aqparattardy aıtty delingen adamdardyń aty-jónin ataýdan bas tartyp.

 

Qosanov exit poll nátıjesi boıynsha jeńilisin moıyndaýynyń sebebin "halyqty qantógiske uryndyrǵym kelmedi" dep túsindirdi.

– Álbette, nátıjeniń shyqqannyn kúte turýǵa bolýshy edi. Biraq Áblıazov adamdardy saǵat 12-ge kóshege shyǵýǵa shyqyryp qoıdy. Jaǵdaı ýshyǵyp bara jatty. Buzaqylyqtar, zań buzýshylyqtar týraly habar túse bastady. Eger adamdar kandıdaty saılaý nátıjesin moıyndamaǵanyn bilip kóshege shyǵar bolsa, onyń arty nege ákep soǵary belgisiz edi. Ol jerde qandaı arandatýdyń bolaryn aıtý qıyn. Iá, men kóp adamdardyń kóńilin qaldyrdym. Biraq men Jańaózen oqıǵasynyń qaıtalanýyna jol bermedim. Mensiz alańǵa 5 myń adam shyqsa, menimen 50 myń adam shyǵar ma edi. Ol jerde oq atylýy múmkin edi. Men halqym úshin qoryqtym, – degen saıasatker saılaý nátıjesin moıyndaýyn "satqyndyq" dep eseptemeıtinin jetkizdi.

Artynsha, Qosanov burynǵy memleket qaıratkerleriniń biri ózine "sen eldi 10 jylǵa quldyratyp jiberetin jaǵdaıdan qutqaryp qaldyń" degenin aıtty.

Qosanov suhbat barysynda Toqaevty syrtqy ister mınıstri bolyp turǵan kezden beri biletinin, jaqsy aralasqanyn, sóz júzinde aıtylǵan durys dúnıeleriniń oryndalýy kemshil túsip jatqanyn aıtty.

Eks-kandıdat bılikten tikeleı de jamana túrde de mıllıondap aqsha almaǵanyn atap ótti.

Ilmek sózder: Ámirjan Qosanov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir