• USD 468.56

  • EUR 497.56

  • RUB 7.3

  • CNY 67.18

29 Naýryz, 06:36:37
Almaty
+35°

Májilis Tóraǵasy Nurlan Nyǵmatýlın 2021-2023 jyldarǵa arnalǵan respýblıkalyq bıýdjettiń jobasyn maquldaý barysynda bıýdjette eń aldymen, pandemııa kezinde azamattardy qoldaý  jaǵdaıy eskerilgenin atap ótti.

Elimizdiń bas qarjy qujaty boıynsha depýtattar aldynda Ulttyq ekonomıka mınıstri Rýslan Dálenov, Qarjy mınıstri Erulan Jamaýbaev jáne Ulttyq Bankiniń Tóraǵasy Erbolat Dosaev baıandama jasady.

Zań jobalaryn talqylaý barysynda depýtattar jaýapty memlekettik organdardyń basshylaryna birqatar suraqtar qoıyp, óz pikirlerimen bólisti.

Osy rette, Májilis Tóraǵasy Nurlan Nyǵmatýlın pandemııa kezinde shaǵyn jáne orta bıznesti qoldaý qazirgi eń mańyzdy jáne eń qajetti suraqtardyń biri ekenin aıtty.

Osy jolda Elbasynyń da, memleket basshysynyń tapsyrmasy da bar. Tıisti qarajat bıýdjette qaralyp otyr. Endi, eń bastysy, osy barlyq qarajat – qol jetimdi bolý kerek. Ol árıne, Úkimettiń, Ulttyq Banktiń mindeti, – dedi.

Sonymen birge Palata Spıkeri jelińdetilgen nesıeni júzege asyratyn mehanızm de ashyq jáne túsinikti bolý kerektigin, sonda ǵana azamattar shaǵyn jáne orta bızneste, osy qıyn kezeńde jumys isteı alatynyn aıtty.

Úsh jyldyq bıýdjet jobasyn talqylaý barysynda depýtat Á.Bekturǵanov pedagogtardyń jalaqysyn 25%-ǵa arttyrý kezinde sporttyq jattyqtyrýshy mamandar arasynda olqylyqtyń oryn alǵanyn aıtty. Mysaly, respýblıkalyq deńgeıdegi sport-muǵalimderine qosymsha qarajat qaralyp, al ákimdikter janyndaǵy sporttyq uıymdardyń pedagogteri bul qoldaýdan tys qalǵan. Jaqynda ǵana bıýdjetti naqtylaý kezinde osy olqylyqtyń ornyn toltyrý úshin 5 mlrd. teńge qarjy qaraldy.

Osy rette Májilis Tóraǵasy aldaǵy ýaqytta mundaı jaǵdaıǵa jol berýge bolmaıtyndyǵyn basa atap ótti.

Sonymen qatar bıýdjettik zań jobany talqylaý barysynda memlekettiń turaqty damýyna ekonomıkalyq jáne áleýmettik ahýalǵa qatysty suraqtar jan-jaqty qaraldy. Nátıjesinde 2021-2023 jyldarǵa arnalǵan respýblıkalyq bıýdjetti maquldaý jónindegi Qaýly qabyldandy. Osyǵan oraı Májilis Tóraǵasy:

– Búgingi maquldanǵan bıýdjet jobasynyń orny da erekshe,  mańyzy da    óte zor. Búkil álemge taraǵan koronovırýs indeti bizdiń   elimizde de  oryn alyp otyr. Sondyqtan, aldaǵy úsh jyldyq bıýdjette eń birinshiden, pandemııa kezinde azamattardy   qoldaý   jaǵdaıy    eskerildi.  Sonymen birge, jyldaǵy dástúr boıynsha ekonomıkany damytý, áleýmettik mindetter, densaýlyq, bilim, eńbek salalaryna erekshe nazar aýdaryldy. Sebebi, respýblıkalyq bıýdjetti qalyptastyrý – bul Elbasy jáne Memleket Basshysy júktegen barlyq mindetterdi sapaly oryndaýdyń kepili. Endi Úkimettiń de, barlyq memlekettik organdardyń da negizgi jumysy ol osy bólingen qarajattardy jospar boıynsha óz ýaqytynda, ashyq, sapaly jáne nátıjeli paıdalaný. Al ony baqylaý árqashanda depýtattyq korpýstyń nazarynda bolady, – dedi Nurlan Nyǵmatýlın. 

Májilistiń Baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir