Bilim jáne ǵylym salasyndaǵy sapany qamtamasyz etý komıtetiniń aýmaqtyq departamentteri mektepter men balabaqshalardyń jyly dárethanalarmen qamtamasyz etilýi boıynsha monıtorıng júrgizdi. Bul týraly bilim jáne ǵylym mınıstri Ashat Aımaǵambetov aıtty.

– Bul balalardyń densaýlyǵy men qaýipsizdigine baılanysty másele bolǵandyqtan, mundaı mańyzdy suraqty "usaq másele" dep qarastyrýǵa bolmaıdy. О́tken jyly elimiz boıynsha 2700 mektepte jyly dárethana bolmasa, búgingi tańda 2456 mektepte jyly dárethana salyndy. Bul rette sapa máselesin de nazardan tys qaldyrmaǵanymyz abzal. Mektepterde dárethanalardy iske qosyp, biraq olardy jaýyp qoıyp, oqýshylar daladaǵy dárethanalarǵa baryp júretin jaǵdaıǵa jol bermeýimiz kerek. Oblystyq bilim basqarmalarynyń basshylary bul máseleni qatań baqylaýǵa alýǵa tıis, – dedi mınıstr.

Onyń sózinshe qazirgi ýaqytta el boıynsha 6971 memlekettik mektep jyly dárethanalarmen qamtamasyz etilgen.

Sondaı-aq ol mektepterdiń 99%-y beınebaqylaý júıelerimen jabdyqtalǵan jáne 2018 jyly bul kórsetkish tek 75%-dy quraǵanyn atap ótti.

– Bilim berý uıymdaryn beınebaqylaý kameralarymen qamtý máselesi de mańyzdy. Búgingi tańda kameralarmen qamtý kórsetkishi 99 paıyzǵa jetip otyr. Degenmen atqarylǵan jumystyń sany emes, sapasy mańyzdyraq. Bilim jáne ǵylym mınıstrligi men ishki ister mınıstrliginiń buıryqtaryna sáıkes bilim berý uıymdaryn beınekameralarmen qamtý boıynsha naqty talaptar qoıylǵan. Ornatylǵan beınebaqylaý kamerelary barlyq talaptarǵa saı bolýǵa tıis, – dedi Ashat Aımaǵambetov.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir