Jambyl oblysynda polısııa qyzmetkerleri arasynda atys boldy. Bul týraly ishki ister mınıstrliginiń resmı saıty habarlady.

Tártip saqshylary arasyndaǵy teke-tireske esirtki bıznesi sebep bolǵan. Bir top polısııa qyzmetkeri Shýdan esirtki zattaryn tasymaldaýmen aınalysqan. Muny, ishki qaýipsizdik qyzmeti bilip qoıyp, qylmystyń jolyn kespek bolǵan. 

Polısııadaǵy ishki qaýipsizdik basqarmasy 3 polıseıdiń izine túsken. Olar, Shýdan esirtki zattaryn jınap, Qumózekke aparyp satyp bıznes júrgizgen. Qylmysqa barǵan polıseılerdi ustaý úshin ishki qaýipsizdik qyzmetkerleri Shý-Taraz tas jolyn japqan. Alaıda, kúdiktiler ony sezip, arty, atysqa aınalǵan.

"Atys qarýymen qarýlanǵan avtokóliktegi úsh kúdikti qatty jyldamdyqpen qýǵynshylardan sytylyp ketpek bolǵan. Polıseıler aspanǵa eskertý jasap oq atsa da – kúdiktiler qulaq aspaǵan, budan soń kólik quralyn toqtatý úshin qyzmettik qarý qoldanyldy. Úsh adamnyń ekeýi atys jaraqatyn alyp, nátıjesinde, olardyń bireýi medısınalyq mekemede kóz jumdy" delingen ishki ister mınıstrligi taratqan habarlamada. 

Polıseıler aspanǵa eskertý jasap oq atsa da – kúdiktilerler qulaq aspaǵan, budan soń kólik quralyn toqtatý úshin qyzmettik qarý qoldanyldy.

Departamenttiń málimetinshe, 3 adamnyń ekeýi atys jaraqatyn alyp, nátıjesinde, olardyń bireýi aýrýhanada kóz jumdy. Al, ekinshisine stasıonar jaǵdaıynda medısınalyq kómek kórsetildi. Úshinshi kúdikti QR Qylmystyq-prosesýaldyq kodeksiniń 128-babymen ýaqytsha ustaý ızolıatoryna qamaldy. Atalǵan fakt boıynsha QR Qylmystyq kodeksiniń 297, 345, 362-baptary boıynsha sotqa deıingi tergeý bastaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir