Shyǵys Qazaqstan oblysy Úrjar aýdany Maqanshy aýylyndaǵy polısııa bólimshesinde 33 jastaǵy kúdiktiniń ólimine qatysty bes polısııa qyzmetkeri jumystan bosatylyp, úsheýi qamaýǵa alyndy, dep habarlady zakon.kz saıty.

Oblystyq polısııa departamenti baspasóz qyzmetiniń habarlaýynsha, osy oqıǵa boıynsha polısııa bólimshesinde úsh qyzmetker kúdikti dep tanylǵan. Olar jumysynan bosatylyp, Úrjar aýdanynyń polısııa bólimshesiniń ýaqytsha ustaý ızolıatoryna qamalyp, "Azaptaý" baby boıynsha tergelip jatyr.

Saıt málimetinshe, oblystyq polısııa departamenti bastyǵynyń buıryǵymen, memlekettik qyzmettiń bedelin túsirgeni, "Quqyq qorǵaý qyzmeti týraly" zań talaptaryn saqtamaǵany, qyzmetkerlerdiń is-áreketi men minez-qulqyn tıisinshe baqylamaǵany úshin Úrjar aýdandyq polısııa bóliminiń eki basshysy ishki ister organdarynan shyǵaryldy.

Jedel-tergeý toby qurylyp, ony oblystyq polısııa basshysy Saǵat Mádıev basqardy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir